شــاركــونــا بــقــصــائـــد شــاعــركــم الــمــفــضــل (: ارجو التثبيت

[!!.. مزاجيهـ ..!!]

بسمــ اللـــهـ الرحــمــن الــرحــيمــ



حبايبي اليوم جاء في بالي فكره حلوه


بس مدري اذا سبق ان احد ذكرها او لا....


المهم...

خلوني اشرحلكم فكرتي ...



شوفوا ابي كل واحـــد منكم يحط الشاعر المفضل عنده


طيب ..


ومافيه اي مشكله لو يحط شاعرين او اكثر المهم

اللي يعجبونكم ...


وبعدين .. تجيبون له اي قصيده

كتابيه ..

او

صوتيه ..

او


مرئيه ..



اللي يعجبكم بس ...


انا بطرح لكم مثال ...

انا مثلا الشاعر المفضل عندي

((حامد زيد))
((ناصر الفراعنه))
((وسعد علوش))
وهذي احلى قصيده لسعد علوش:lily_20040407023:
...............***.......................
اخر حركـــات التدلع والغنـــــــا
اللي اسمها(مها)وفي الدلع(مهاو)


فرفوره تســـلف الشمس السنـــا
مغــويه ويطرد وراهــا كــــل غـــاو


ان وقفت كــــل شي ماتباعد دنـــا
وكــل شي متلخبط مع الوقفه تساو


واليا مشت؟قال النمل:اللــــه لنـــا
تقــاو ياجوعي على صبري تقــــاو


ذروة تــرف..ذروه غنــج..ذروه هنــا
جمالهــا مايستـــوعب وماينتقـــــاو


في iiجنبهـــا: نـــــوره,وعبيــر,ومنــى
شــباب...وعند البل وكشختهم فــراو


مخـــلوق لامنــه انثنـــى يعني انثنى
كــل الزوايـــا تستقيـــم اليا تــــــزاو


يـــابوي شــــي لايوصف ولا ينجنــــا
يسبــب لــك جــروح لايمكن تـــــداو


مـــثال:لاجــاعت وطـــال بها العنــــا
كل الحـلاو اللي على هالارض جــاو


هــــي جايعه؟؟!يـــــارب تاكلني انا!!
هذي ســـــواليف الحلاو...مع الحلاو


والــيا كلت اطرف حــــــلاوه من هنا
كــــل الحلاو يشوفها ويقول((وااو))!!! :lily_20040407023::studsmatta:

ادري اني طولت عليكم


بس اللحين اقولكم

متى ماعجبتكم قصيده لشاعركم المفضل

ادخلوا خلونا نشاركم فيها


اتمنى يعجبكم الموضووع

ابي اشوف ردودكم لاتفشلوني:b050:

[بٌقُاًيَا إٌحُسًاَسٌ]

يسلموووو حبيبتــي ع الموضوع المميز

ارجوا منكـــــ دووووام التقدم

[coOoOoOl girl]

امممـ..
الف شكــر .. لكـ .. ع المووضــوعـ,,,..

وأنــآ شــآعـري المفــضل.. [ حــآآمـــد زيــد ]..

السفينه

للطريق اللي دعاني بعد أمان الله وأمانه

لاتناديني وصوني قلــبك الله لايهـينه

لايراهن في رجوعي لجل مايخسر رهانه

ليه ما أرحل عن غرامك بعد ماذقت الغبينه

أذكريلي شي واحد يستحق أقعد عشانه

قلـب ماحن لوصالي ماني بحاجة حنيــنه

وأشــهد أنه مايعـزر بالرفيع الا هوانه

الــهوى الغدار حد الله مابيني وبينــه

والرجل لاخير فيـه إن ماحفظ قدره وصانه

واحدٍ مثلي اليا من حدته عوجا سنينــه

ماشكى لقرب أبن ادم لوهو أقرب من أخوانه

يـوم قلبي ماعصاك وماقدرتي تذبحينــه

ليه خنتي فيه وأنتي معه من نفس الديانه

كان ذبحي بـيدك أرحملي من اللي تفعلينه

وأن طلبتك تذبحيني ماذبحتيــني لعانه

كل جرحٍ من جروحي تذكرينه .. تنكرينه

كن مالك في نزيفه (يد) خانت بالأمانه

ينـزف الخافق تـواضع لين لطختي جبينه

والا أنا ماكنت أبيها توصل لحد الأهانه

قلـت من باب الميانه صاحبك وتعذبينه

لعنبوك إرخي معاي أشوي ماصارت ميانه

طعت عقلك يوم قيل إن العقل للبنت زينه

لكن الشرهه علي اللي كنت أحسب إنك تكانه

من بعد ماكنتي أنتي في حشاي أغلى سجينه

بوعدك بطلق سراحك وأتهميني بالأدانه

وين رايح..؟ لأي دربٍ مايـرجع للمدينه

ليه رايح..؟ لان قلبك ماترك قلبي وشانه

كيف أبنسى.؟ ربي اللي ملهم القلب السكينه

مثل ماعانه بقربك لانوى فرقاك عانه

كان قاسي يجرح أطراف السكاكين السنينه

مايطيح وبنتٍ مثلك حبها هزت كيانه

والا أنا خابر خفوقــي مايمد الا الثمينه

وإن بغى يغيض الثريا قعد القمرى وزانه

مزعلٍ لجلك هنوفٍ رجـت عقول رزينه

وإن تهادت بالطريق الجرهدي تزهر جنانه

جادلٍ كن الجمال قبالـها كتف يديـنه

والقمر لو شاورت له ينـزح وتقعد مكانه

كانت أول من تحكم فـي فروع الياسمينه

وأن تعدتهن تثـنن خيزرانه .. خيزرانه

بعتها لجلك وصارت لأصغر أطرافك رهينه

وألا هي لفتة هدبها تغمرك ثقل ورزانه

والخفوق اللي تغذى مـن معزة والدينـه

مشكلته إنه تعلـق في زمن ماهو زمانه

كل مازادت جراحه وأكتشف غلطة ضنينه

صدقيه أن قال مابه شخص يستاهل حنانه

يـوم نادا يافلانه مارضيتي تسمعينــه

لين صوت يافـلانه ,يافـلانه ,يافـلانه

كنت أشوفك زعفرانه تقرض الورد وتدينه

يمكن أني ماقطفتك بس أشوفك زعفرانه

كنت أهاب البعد عنك وأطلبك لاتذكرينه

كان خوف من الفراق وخطوت الفرقا جبانه

وماقتنعت أن الخيانه للـرجل تلوي يمينه

لين ماربي بعثك وذقت من طعم الخيانه

إسمحيلي..مابقى فينـي مكـانٍ تطعنينه

وأقبلي من جوف قلبي كل عطفه وأمتنانه

والله الله في عذابك بتركـك عينك بعينه

دللـيه ولايرده عن شقـاك إلا لسانه

والا أنا قررت أسافر وأمتطي ظهر السفينه

لأن مابه شي واحد يستحق أقعد عشانه

[!!.. مزاجيهـ ..!!]

]بقايا احساس*******co0o0o0o0ol girl
مشكووووووووورين على الردود الحلوه نورتوا الصفحهـ

[برق الألماس]

http://www.yesmeenah.com/smiles/smiles/47/hangs%20(1339).gif




طواري ليل

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي

لــي يــوم ثـالـث تجاذبـنـي واجـاذبـهـا
الـيــن شـــدت بيـديـهـا عـلــى يــــدي

مـــا كـنــي الا قـريــب مـــن قرايـبـهـا
وماكنـهـا الا سليـلـه مــن نـمـى جــدي

يا كثـر مـا هـي لفتنـي وكيـف أحسبهـا
بــس الـوكـاد بغـثـاهـا بـيـحـت ســـدي

اطـرت لـي ليـل الثلاثـه وامسيـة ابـهـا
ذاك المسـاء البغيـض الحـالـك الـنـدي

قــوم تفـتـل مــن الضـيـقـه شـواربـهـا
والحـق معهـم وانـا اللـي جـاوزا حـدي

اضعفني وضعي وانا للـي كنـت غالبهـا
وثوب الشجاعه غدى وماهو على قدي

مابيـن قصـر نعـم وش قلـت واسحبهـا
كـان الحديـث الطويـل المرهـق الجـدي

حدونـي ابعـد ولا اقـرب يـم مضاربـهـا
والحـق يركـب مـن اللـي كـان متـعـدي

اذكر حلفت وقسمـت ارحـل ولا اقربهـا
وشـلـون مــدري ولـكـن كــان ذا ردي

قفيـت عنهـا اغاصب الرجـل واسحبهــا
كـنــه بــــودي وانــــا والله مــــا ودي

ادري خذلـت الهنـوف وكنـت مغضبهـا
مـاهـو بكيـفـي زمـانـي واقــف ضــدي

غـلـبـي وقـتــي كـثــر مـاهــو مغلـبـهـا
لاهــو تـهـيـا ولا هـــو قـابــل يـهــدي

لـو هـي دموعـي تـرد الوصـل بسكبهـا
الـيـن تـجـرح وتأسمـنـي عـلـى خــدي

ميـر الـبـلا مــا تفـيـد وحــظ صاحبـهـا
مـا طـاب لحظـه ولمـن طــاب مـتـردي

خلهـا علـى الله وانـا مـن وقـت كاتبهـا
بصبر وبرجي عزومي واعتزي شـــدي

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي


فيصل العدواني





http://www.yesmeenah.com/smiles/smiles/47/hangs%20(1339).gif

[( cute girl )]

القصيده :انتي ولا شيّ

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ


شكرا صح لسانكم

[اربع خناجر]

خذني جريح شعور يعشق وصالك
ينزف جروح العشق وايامه شهود
خذني غريق احلام عانق خيالك
يرجي سحاب ايديك والشوق موقود
خذني بقايا انسان كلي حلالك
اسكن عروق القلب والشوق موجود
__________________

[اربع خناجر]

11يا سائلة عني من القلب لبييييييه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..

[برق الألماس]

كثر المواصل بالهوى ماهو بزين

ودك بخلك بين مده ومده

لن البني ادم ماترك طبعه الشين

لاحب له شي وشبع منه هده

لكن لا منه جاك من حين لي حين

قدرت جياته وقدرت صده

وان قلت ابيك وقال ماهوب ذلحين

لاتضايقه يمكن ضروفه تحده

اصبر عليه ايام وشهور وسنين

ان كانه يودك وكانك توده

خلك لمنه اعطاك ماتطلبه دين

ماجاك منه اخذه ومارد رده

ولاتسوي مثل ناسن مساكين

اصلك وفصلك بالهوى لاتعده

العشق مايعرف قبيله ولادين

نكس حكومات وفرق اشده

جوه عقال وراحو مجانين

وكم واحدن خاضه ولاهوب قده

هذا كلامي وانت بتشوف بعدين

والله ان تميز بين مزحه وجده


الشاااعـــر :

عبــداللــه علــوش

[اخت القمر]

شاعري المفضلناصر الفرانه

ناقتيياناقتي لارباع ولا سديس وصيليني لابتي منورا هاط الطعوس حايل رابع سنع من خيار العيس عيس

خفها لادرهمت كنه في النار محسوس في دجا خالي خلا لاحسيس ولا ونيس تدوخك من شدة البرد طقطقة الضروس

[just like me]

اكييييييييييييييييييييد حامد زيد

انشاء انزل قصآآآيد له ...
^^

[وردة نجد]

مشكـــورة و ما قصرتي ..

يعطيك الـــف عافية ..

تقبلي مروري ..

لكِ تقديري و احترامي ..

[خجولة آلمبسمـ]

فهد المســـــــــــــــــآعد ... شـآعري المفضل ...

.. بسم الله عليك ..
جيـت فـي ليلـة وداعــه تـايـهٍ بـيـن البـيـوت
............... وصحت : "وينك؟!.. جيت اوادع عمري اللي ضاع فيك"
مـا سمعـت الا صـدى صوتـه وكـان آرقّ صـوت
.............. ينطق اسمي..ثم يهمس : "من متـى وانـا احتريـك؟!"
قلـت وهمومـي تغافـل زفـرة الـحـزن وتـفـوت :
.............. "هذا انا جيتك..يا ليـت المـوت جانـي قبـل اجيـك"
بعدهـا يـا دوب عـدّت عبـرتـه حــد السـكـوت
............. قـال وعيونـه تغـارق دمـع : "بـسـم الله علـيـك"
قلت : "يا ابن الناس عـادي مـاورى هالمـوت مـوت
.............................. وش وراهـا لا فقـدت عيونـك ولمـسـة يـديـك"؟!

’,

[سفينة الذكرى]

"°o.O الحلـــم O.o°"

بوقت من البطا،وبليل تتراقص iiشياطينه ii
بعد شفت الضيا ينزع من ثياب المسا iiثلثين

تحايلت المنام اللي مثل بيتك iiتمرينه ii
وانا اللي من تفارقنا وأنا ماغمضت لي iiعين

غريبة!!كل حلم يمر برقادي تزورينه ii
والاغرب كيف أحلم الحلم،وارجع واحلمه iiبعدين؟

قبل يومين،شفتك بالمنام..وقمت من iiحينه! i
ونمت أمس،ورجع نفس المنام اللي قبل يومين

أنا اللي قبل اسافر شلت قلبي من iiشرايينه ii
تركته في يدك الأمانه ،واحفظيها iiزين

ترى حفظ الأمانه دين..مجبورة iiتردينه ii
أجل ، مافيه أحد قال لك(حفظ الأمانة iiدين)؟!

مرد المقفي بيلفي..ويستوفي ،وتوفينه ii
بعد ليله ،ثلاثه،أربعه،عشره،شهر، iiشهرين

إذا انتي ،ماانتي بقد الكلام اللي iiتقولينه ii
حرام..استامنك حاجة،وإذا جيت اطلبك iiتنسين

تخونين،وتبين أرضى.!وأحد يرضى iiتخونينه! ii
أنا لاجيت أخونك، مع حبيبة iiثانيه،ترضين.؟

من أول مارجعت من السفر ماشفت لك iiبينه؟ ii
وأنا اللي كنت أحسبك قبل ادوس ارض المطار..تجين

تكونين أنتي أول شخص عيني تحتضن iiعينه ii
وكنت أتخيلك من زود فرحة iiرجعتي..تبكين

وأشوف بدمعتك حكيك..وأعرفه قبل iiتحكينه ii
واجيب أحلى من اللي بتحكينه،وأتركك iiتحكين

تقولين:الوطن نور..وأقول iiبنورمضوينه ii
تقولي لي:غديت أحلى،وأقول:عيونك الحلوين

كلام نام بشفاهك..وخفتي iiلاتصحينه ii
ذخرتيه لغرام للي ينام...ويترك تصحين

تغانمتي غيابي..لين رجحتي iiموازينه ii
تعلم من يدك لمس الكفوف وعلمك iiتجفين

وليتك لاقيه به شي..فيني iiماتلاقينه! ii
مهو بغرور..لكن خابرك مالك أمل iiتلقين

تغافلك بغلا..والإ الحلا مهو بمن iiزينه!! ii
تزينه الصور ..بس الصحيح ابن الحلال iiزوين

وأنا ماني بنقاص عنه يوم أنك iiتبدينه ii
نصيبي..هو نصيبي لو يسددها من iiالصوبين

قنوع بمظهري ،والسم مايذبح iiثعابينه ii
على قول المثل ماني حلو..لكني ماني iiشين

إذا أهداك الزهر مره،فأنا اهديتك iiبساتينه ii
وإذا ألهاك بفرح ليله، فانا تهت لبكاك سنين

وإذا استضعفتك أملاكه...وشتتك iiملايينه ii
أنا حتى فتات الخبزة أقسمها معك iiنصين

طموحي ،بس أجي وأظفر بشي iiتستحقينه ii
تدينته ،تسلفته،سرقته ،مومهم iiمنين؟

كأني من كثر ماارضى بكل اللي تمنينه ii
لو انك تطلبين الله ..يعنيني، بقول iiآمين

أنا ماالعب على الحبلين،وقت الطيش iiوسنينه ii
تبين الحين يوم أني كبرت العب على iiالحبلين؟

ترى عند البدو بالذات عيب اللي iiتسوينه ii
حلاتك لاعشقتي..تعشقيني ليوم iiالدين

غرامٍ نسكن ضلوعه..حشيمه من iiمجانينه ii
جفا،يجمع معزتنا...ولاعشق يذل iiأثنين

كثار اللي تحدوني وقالولي ii:تحبينه ii
امانه ...لاتخليني صغير بعينهم iiتكفين

لاني كل iiماقالوا(تخون)..اقول:مسكينه ii
عليك الله وأمانه..علميهم منهو iiالمسكين

أنا خايف لياطاح الجمل تكثر iiسكاكينه ii
وأنا ماعاد بضلوعي مكان لطعنة iiالسكين

مثل ماقالواالمكتوب واضح من iiعناوينه
لو ارحل منك للغربه بسافر من ظلامك iiوين؟

كفايه..كل حلم يمر برقادي iiتزورينه ii
كفاية..من تفارقنا..وأنا ماغمضت لي عين

قبل يومين شفتك بالمنام وقمت من iiحينه ii
ونمت أمس،ورجع نفس المنام اللي قبل يومين

للشاعر : حامد زيد

[just like me]

بآآآآآآآآآكـ مع حآآآآمد زيــــــد...

رآح انزل لكم قصيدة $الجمهرة$

اي بالله أخطوا والخطا اللي جابهم عين الصواب

مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد بتاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما قدره

عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره
^^

[جرحني الزمن]

شاااعري المفضل



سالم السيار

ليــه؟؟!
؛



؛
ليـــــــــه ..!!!

هذا هو اللي تبيه .. ؟؟اني ارحل من حياتك
واشعل عيوني بــ ليه..!!
بس خلاص ..!!



هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..

زين لحظه..!!
لااسالوني الناس وينك ..؟
وان درو ضحكة عيونك
عن عيوني سافرت
ردت لعينك ..


بذمتك قول ..
وش اقول ..؟
قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟
ياخي حس ..!!
والله عيب اللي تبيه ..
اني ارحل من حياتك ..
واشعل عيوني بــ ليه ..


لاجبينك شمس واحساسك مطر ..
لاعيونك شوق وشعورك دفا ..
جبت لك بـ ايدي ..
ابتسامات العمر ..
ليه تكسرها على اطراف الشفا ..؟؟

شوف ..!!
بعثرني احتياجي بالنظر..
شوف ..!!
وجهي امتلا منك بــ افا ..

ماتجي منك ..
ولكن يابشر ..
منت اول من طعني بالجفا
أبرك أدفن كل جروحي بالسهر
ولاافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..

والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..
هذا هو اللي تبيه ..؟!!
وهذا هو اللي قدرته ..
وقدرك ربي عليه ..


بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..


وين اروح ..؟؟؟
شلون اجيب لقلبي المجروح ....
روح
هذا هو اللي تبيه ..!!


؛

؛

؛

[!!.. مزاجيهـ ..!!]

شاعري المفضلناصر الفرانه

ناقتيياناقتي لارباع ولا سديس وصيليني لابتي منورا هاط الطعوس حايل رابع سنع من خيار العيس عيس

خفها لادرهمت كنه في النار محسوس في دجا خالي خلا لاحسيس ولا ونيس تدوخك من شدة البرد طقطقة الضروس

:32890480c2: والله وعندكم اشعار حلووووووووه مشكورين حبيايبي متقصرون على الردود:9:

[raja]

شكرا مررررررررررررررررررررررة حلوا الشعر
بارك الله بك , شكراً أخي الكريم

اختك رجة انتى شاعر

[{أوركيد..!!]

شاعري المفضل..

شاعر الانسانيه الامير عبد الرحمان بن مساعد..

هذا احدى ابداعاته بعنوان فقير..

فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبر ٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىَ ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي وحيد
ان الله غفـّار ورحيم
ابسألك ياصاحبي عني أنا في وقتها
ماني فقير ؟؟؟

[بسكوته دلوعة]

يسلموووووووووووووووووووووووووو

[آتـع ـبنـٍـٍـٍـٍـٍي .. وفـًـٍـًـٍـًـآي ..]

شـــاعري المــفضل بــركات الشمــري .. وحبيت انزل لكم هذي القصيده تشاااركوني المتعه ..


و..الملم ما بقالي من أحاسيس وأجي مكسور وحيد ولا على بالي سوى إنسـان ناسينـي!
وأطيح ويذبل بعيني صبـاحٍ مـا يفـز بنـور وأنادي يا عناويني وأنادي يا عنا... وينـي!؟
ثلاث سنين من عتمة ظلامك.. يا ضيا الديجور يموتك حلم وتموتك سحايب من ورى عينـي!
وبيدي حلم غنَّاه الزمان وطار بـه عصفـور يزفـه للغمـام اللـي تهجـا رحلتـه فينـي!
واتمتم "هي هنا كانت" وينبت للحنين شعـور وأتمتم "ليت ما كانت" وأضيـع ولا ألاقينـي!
وادورني ورى جرحي وتزهر في حشاي قبور وأكفن عورة همومي وأدور منهـو يرثينـي!
هنا كان المسا بارد حزين ومكتئـب مقهـور هنا! والا هنـا! والا هنيـا صـرت مابينـي!
أنا ما طحت من عين المواجع يوم أنا مكسور أنا من كثر ما فيني مواجع.."طحت من عيني"!


مشكوووره ع الموضوع

[( cute girl )]

الشتعر حامد الززززززززززززززززززيد
القصيده :أهل الجنوب




وعيني اللي كل ما ذعذع من الغرب هبوب

يحلا لها لون الغروب اللي يذوب قبالها

ويا ويل حالي كل ما يحلالها لون الغروب

تطري لي الريم اللعوب وسالفة ترحالها

وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها

من سافرت ريم الفلا صديت عن كل الدروب

ما هو قصور بالعذارى بس ذيك لحالها

من فارقتني ما خطف قلبي من الحور محبوب

ولا لقيت الجادل اللي تستحق احيالها

لأن القلوب ان ما وفت لأحبابها ما هي قلوب

والعشره اللي ما ترد الروح ما نسعى لها

إما الوفى اللي يستر الرجّال من كل العيوب

والا الجفى اللي يستر عيوب العرب في رجالها

ما اقسى من فراق الجنوب الا فراق اهل الجنوب

ويلي على اللي كل ما تزعل تشد رحالها

اللي مذيره العتب لا شبت بصدري شبوب

عييت اراضيها وهي عيت تطول بالها

كانت معي مثل النصيب يحدني من كل صوب

كانت دروبي من متاهات الظلل لظلالها

كانت هروبي لا شعرت اني بحاجه للهروب

كانت سماي اللي ليا ضاقت علي ألجالها

ليه اتحداني وانا في كل الاحوال مغلوب

ليه حرمتني من قهر عذالي وعذالها

ليه اتجاهلني وانا لاني جبان ولا كذوب

ليه ارخصت دمعي وانا اللي ما بكيت الا لها

ما ترحم اللي له سنه كأنه على النار محطوب

ما هزها دمع الفقيد اللي بكته أطلالها

ما خافت تهدم السنين اللي بنتنا طوب..طوب

ما فكرت تشفق على حالي وترحم حالها

قولوا لها لو ما تذوب انا بخليها تذوب

قولوا لها لو ما عنت لي مستعد اعنالها

إليا ادمحت لي هالخطا بدمح لها كل الذنوب

وإن جابت الحسنى معي تبشر بعشر أمثالها

أفرش لها صدري وطن وأجمع لها ضلوعي شعوب

وأرقى لها المكانه اللي ما حد(ن) يرقى لها

إن كاني مخطي فأنا ماني خليّ من العيوب

الذنب يغفر والبشر تجزى بقدر أعمالها

البعد قاسي والفراق يضيق الصدر الرحوب

وانا تعبت ادور الحيله وارد احتالها

قولولها ترجع ترا ماني على الحزن مغصوب

وإلا ترا نذر(ن) علي انه ماهو ب أشوالها

إما تجنب هالهبال وتترك البعد وتتوب

والا بتبشر بالهبال اللي ما هو بهبالها

كافي زعل ترا الظروف مقفله من كل صوب

وأنا حملت من الهموم انواعها واشكالها

يكفيني اني كل ما هبت على صدري هبوب

تحن عيني للجنوب وتلتفت بلحالها

والمشكلة اني كل ما حنت عيوني للجنوب

تطري لي الريم اللعوب وسالفة ترحالها

وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها





بقلم : حامد زيد





القصيده :غرام أحباب







على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني


تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني


لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني


صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني


عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني


أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني


رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني


تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني


تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني


وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني


ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني


أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني


زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني


غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني


إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني


أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني


سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني


عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني


أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني


وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني


وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني


ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني


أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني


ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني


ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني



بقلم : حامد زيد









القصيده :هموم بهموم






من يوم فرقانا الى يومنا اليوم
مافات يوم الا وهي مشغلتني
إليا غفيت اشوفها في حلا النوم
واليا صحيت بكل الافكار جتني
عشقتها من قلب ميس ومحروم
وتركتها يوم انها عاندتني
نار تشب بداخل القلب بسموم
حاولت اطفي ضوها واحرقتني
دنيا ثقيلة كلها هموم بهموم
كني حملت جبالها فوق متني



بقلم : حامد زيد








اقوى قصايد حامد الزيد






بـوقـت مــن الـبطا،وبليل تـترقص شـياطينه" "بعد شفت الضيا يـزع من ثياب المسا iiثلثين

تـحـايلت الـمـنام الـلي مـثل بـيتك تـمرينه ii" "وانـا الـلي مـن تـفارقنا وأنـا ماغمضت لي iiعين

غـريـبة!!كل حـلـم يـمـر بـرقادي تـزورينه" "والاغـرب..كيف أحـلم الحلم،وارجع واحلمه iiبعدين؟

قـبـل يـومين،شفتك بـالمنام..وقمت مـن iiحـينه!" "ونـمت أمـس،ورجع نـفس الـمنام اللي قبل يومين

أنـا الـلي قـبل اسـافر شـلت قـلبي من iiشرايينه" "تـركـته فــي يــدك الأمـانه،واحفظيها iiزيـن

تــرى حـفـظ الأمـانه ديـن..مجبورة iiتـردينه" " أجـل ، مـافيه أحـد قال لك((حفظ الأمانة iiدين))؟!

مــرد الـمـقفي بـيـلفي..ويستوفي ،وتـوفـينه" ii"بـعـدلـيـلـه،ثـلاثـه،أربعه،عشره،شهر،شهرين

إذا انـتـي مـا انتي بـقد الـكلام الـلي تـقولينه حـرام استامنك حـاجة وإذا جـيت اطلبك تنسين

تـخونين وتبين أرضـى واحد يـرضى تخونينه أنـا لاجـيت أخـونك مع حبيبة ثانيه ترضين

مـن أول مـارجعت مـن الـسفر ماشفت لك iiبينه؟" "وأنا اللي كنت أحسبك قبل ادوس ارض المطار..تجين

تـكونين أنـتي أول شـخص عـيني تحتضن iiعينه" "وكـنت أتـخيلك مـن زود فـرحة iiرجـعتي..تبكين

وأشـوف بـدمعتك حـكيك..وأعرفه قـبل iiتـحكينه" "واجـيب أحـلى مـن الـلي بتحكينه،وأتركك iiتحكين

تـقـولـيـن:الوطن iiنـور..وأقـول:بـنورمضوينه" "تـقولي لـي:غديت أحـلى،وأقول:عيونك الـحلوين

كـــلام نــام بـشـفاهك..وخفتي iiلاتـصـحينه" "ذخـرتـيه لـغـرام لـلي يـنام...ويترك تـصحين

تـغـانمتي غـيـابي..لين رجـحـتي iiمـوازيـنه" "تـعلم مـن يـدك لـمس الـكفوف وعـلمك iiتجفين

ولـيـتك لاقـيـه بــه شـي...فيني iiمـاتلاقينه!" "مـهو بـغرور..لكن خـابرك مـالك أمـل iiتـلقين

تـغـافلك بـغلا..والإ الـحلا مـهو بـمن iiزيـنه!!" "تزينه الصور ..بس الصحيح ابن iiالحلال((زوين))!!

وأنــا مـاني بـنقاص عـنه يـوم أنـك iiتـبدينه" "نـصيبي..هو نـصيبي لـو يـسددها من iiالصوبين

قـنـوع بـمـظهري،والسم مـايـذبح ثـعـابينه ii" "عـلى قـول الـمثل((ماني حلو..لكني ماني iiشين))!


إذا أهــداك الـزهر مـره،فأنا اهـديتك iiبـساتينه" " وإذا ألـهاك بـفرح لـيله، فـانا تـهت لبكاك iiسنين

وإذا اسـتـضعفتك أمـلاكـه...وشتتك مـلايـينه ii" " أنـا حـتى فـتات الـخبزة أقـسمها مـعك iiنصين

طـموحي ،بـس أجـي وأظـفر بـشي iiتـستحقينه" "تـديـنـتـه،تـسلفته،سرقته،مومهم iiمــنــيـن؟


كـأني مـن كـثر مـاارضى بـكل الـلي تـمنينه ii" " لـو انـك تـطلبين الله ..يـعنيني، بـقول iiآمـين

أنـا مـاالعب عـلى الـحبلين،وقت الطيش iiوسنينه" "تـبين الـحين يـوم أني كبرت العب على iiالحبلين؟!

تـرى عـند الـبدو بـالذات((عيب اللي iiتسوينه))!!" "حـلاتـك لاعـشـقتي..تعشقيني لـيـوم iiالـديـن

غـرامٍ نـسكن ضـلوعه...حشيمه مـن مـجانينه ii" "جـفـا،يجمع مـعـزتنا...ولاعشق يــذل iiأثـنين

كـثـار الـلـي تـحـدوني وقـالـولي ii:تـحبينه" "امـانـه..لاتخليني صـغـير بـعينهم ii((تـكفين))!!

لانـــي كــل iiمـاقـالوا((تخون))..اقول:مسكينه" "عـلـيك الله وأمـانـه..علميهم مـنـهو iiالـمسكين

أنــا خـايف((لياطاح الـجمل تـكثر iiسـكاكينه))" "وأنـا مـاعاد بـضلوعي مـكان لـطعنة iiالـسكين

مـثل مـاقالوا(المكتوب واضـح مـن iiعـناوينه))" "لـو ارحـل مـنك للغربه..بسافر من ظلامك iiوين؟!

كـفـايه..كل حـلـم يـمـر بـرقـادي iiتـزورينه" "كـفاية...من تـفارقنا..وأنا مـاغمضت لـي عـين

قـبل يـومين شـفتك بـالمنام وقـمت مـن iiحـينه" "ونـمت أمـس،ورجع نـفس الـمنام اللي قبل يومين






أرجو ان تنال أعجابكم

[مروشة صقيقة ميوشة]

هاي بنوتات

شاعري المفضل فهد المساعد

هذه القصيدة تعتبر من أشهر قصائد فهد المساعد ..
وبلا شك فأن وجودها في اي امسية مطلب جماهيري :

@@ المدينة والغريب @@
جا يشـوف الحـال كيفـه بعـد ماهـزه حنينـه
وقبل يسألني سألتـه : كيـف حالـك يالحبيـب ؟
قال : انا كنـي غريـب ضيـع دروب المدينـه
قلت : انا كنـي مدينـة تنتظـر رجعـة غريـب
قال : اجل وش فيك تكره سيرة الحـب وسنينـه
قلت : أجل وش لون ما اكره سيرته دامك تغيـب
انت لا من غبت حتى مرايتـك صـارت حزينـه
كيف ما تبغاني أحزن وانت لي حظ ونصيـب !؟
الهدايـا و الرسـايـل و المكاتـيـب الثميـنـه
والليالي و القمر و الريـح و الكـون الرحيـب
كل ما تبعد .. تجيب الشعـر ليـه مـن يدينـه
و تقعد جروحـي تـودي فالطواريـق و تجيـب
يا بعـد كـل القصيـد و نـزوة حـداه و انينـه
لا ذكرتك لاح بيت .. و طاح ورد .. و فاح طيب
و ان نسيتك ما نساني صوتك المبحـوح لينـه..
ياخذ لجرحي بثـاره مـن خطايـاك و يطيـب
و بعد هذا جـاي ترمـي ذنبـك بوجـه المدينـه
مـا دريـت ان المدينـه كلهـا شمعـة غريـب


وسلامتكم

[مروشة صقيقة ميوشة]

فهد المساعد

قصيدة

تحت الارض احبك

مي هذي مثل طلّ الصبـح لأغصـان الحدايـق
يبتسـم قطـر النـدى لاباسـتـه أو باسـهـا

مي هذي بنت لامن شفت صدر الليل ضايـق ..
أدري ان عيون مـيّ اليـوم طـال نعاسهـا !

من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا

يسعد الله قلب ميّ اللي كثـر ماهـوب بايـق ..
..من قلوب الخلق..مااذكر مـرّ يـوم وداسهـا

لأن مي أرق بنت..ولو قسـت ماهـوب لايـق
حيّرتني مي..الأجمل : هـي..والا أحساسهـا !؟

بالها لاضاق زانت..كيف لامن صار رايـق!؟
في انتباهتها براءه..كيـف اجـل هوجاسهـا !؟

العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا

مي لـو تبكـي لموتـي مالـي الا افـز فايـق
من قبـل لاامـوت أكثر..مـن نشيـج انفاسهـا

مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسهـا

ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا

مي لو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا


اهدي هالقصيدة لميوشتي

[*بنت شي*]

مشكراااااااااااااااا

[♪ ‏Дđ₥ŋtқ‏¬»]

لايغرّك حجب دمعي عـن ظهـوره***
لاتقول أنّـي سليتـك !! ماسليتـك
دايم أستر دمع عيني ستر عـوره***
والاّ أنـا يامـا تضايقـت وبكيتـك
أوّله يوم الغـلا فأربـع شهـوره***
وآخره في يوم جيـت ولا لقيتـك
أعتبر مسياري لجـارك.. ضـروره***
لجل أوقّف موتـري قـدام بيتـك
وأنتظر لي ربع ساعة.. عند سوره***
ماخبرت أني دخلته.. ما أحتريتـك
وأنت تأخذني على عميـا مشـوره***
مسرفٍ بي لارحـم حيّـك وميتـك
تحسب أنّـي ناسـيٍ حبـك ودوره***
لونسيت ابـوي وامـي مانسيتـك
الله اللي حطّ لك في العين صـوره***
و الله أن يمحا نظرهـا مامحيتـك
تلمحـك روضٍ يقلدنـي زهـوره***
ناعـمٍ لـو أنّـك بتوكـل كليتـك
موج حبك في الحشا صفقه وفوره***
والظنون تسـد نفسـي لأشتهيتـك
وش تعللها عليـه مـن الخطـوره***
يامـعللها علـى ليـتـك وليـتـك
واحدٍ من طاري أسمك طـق زوره***
وش يقول أن سمع ( لبيك وفديتك )
عذره بمخباة لـو يفقـد شعـوره***
وأنت عـذرك لارمـاك الله رميتـك
لاتهـز الغصـن وتطيّـر طيـوره***
أتق الله وأحترم مجـدك وصيتـك
وأن حداك مساير النفس الغيـوره***
مرحبـا مـن واحـدك لكمبليتـك
أرمني فالنار مـن عميـا مشـوره***
وأسرف أسرف لارحم حيّك وميتـك



الشـــــــآعــــــــر المـــتـــألـــق .../مــدغــــم أبــوشيــبــــه

[دايخه في لعبه بايخه]

الشاعر//سعد علـــــــــــــــوش

القصيده//ماعاد انا مشتاق..
ماعاد انا مشتاق والا انت مشتاق..
انا رقدت البارحه وانت ما امسيت..


هاذا أنت دايم تقلب الصحبه خناق..
ودايم تغلى ولا انا ماتغليت..


صح أنك اللي لذه وصاله فراق..
وصح أنك اللي كل مارحت ماجيت..


لاكني احبك ومن كثر ما أشتاق..
أشوفك بصوتك إذا أقبلت واقفيت..


بتدق ولا أنا ترى ماني بداق..
أنا لو اني اللي مزعلك دقيت..


تعوذ من بليس وتزين الاخلاق..
وتلفن محاذر لا تلفن من البيت..


شغل جهازك واشحنه بعد الاغلاق..
ودق لجهازي واعمل كلوز لليت..


خل الاتصال يقول مشتاق مشتاق..
والذبذبات تقول مليت مليت..

الشاعر//محمد جار الله السهلي

قصيده//لا صرت بايعني..

لا صرت بايعني أشوفك على خير ...
مع السلامه دام مابه سلامه...


قلت انتهينا قلتلك خير ياطير ...
ماني بأول شخص يخسر غرامه ...


محذرك من قبلها الف تحذير...
لا عفتني بيعيف قلبي هيامه...


ماني بميت لا ولا أحتاج تبرير...
صح الله لسانك وفر كلامه...


بسمعك حبكه وفكره وتصوير...
وأفهم عدل يامدعي بالفهامه...


وجه الشعر أبيض ويحتاج تغيير...
ودي تزين هالقصيده علامه...


ماضيك الاسود بذكره دون تقصير...
كذا يكون بخد هالشعر شامه...


يصدق معي تعبير ويخون تعبير...
ياضيعه الشاعر بوقت انسجامه...


يمكن خطأ ادونك بالشعر مير...
لو ما أحترمتك للغرام احترامه...


ماكان حبك غير بس طعنتك غير...
علمتني معنى الندم والندامه...


ماجاك مني اي زله وتقصير...
كل ماخطيت اعاتبك بأبتسامه...


حسبي على الذكرى إذا هبت عصير...
ماعاد تنفع شرهتي والملامه...


البال ضامي وقتها والحزن بير..
خسرتك وهمي كسبت اهتمامه...


الليل فازعلك كذا جاني مغير...
ضلمتني وأكثر ضلمني ضلامه...


لاقبل علي اوحيت صوت المسايير...
وفزيت كل ضيف أقوم بمقامه...


واليا عزم هالليل ضيقه وتفكير...
قلي بربك كيف بأقدر انامه...


مافيه داعي للعتب و المعاذير...
الغدر خال الجرح واطيب عمامه...


أما يجيب الله مطر تالي وخير ...
والا السلامه ماش مامن سلامه..

[ṞενĀαиα]

شاعري المفضل ( حامد زيد )



والقصيدة هي (الجمهرة )


إي بالله أخطو والخطا اللي جابهم عين الصواب,,,,,,,,,,,

,,,,,,,,,,, مبطي وأنا أشوف الطمع يكشف زادهم وأستره




مايملي عيون الحسود بهالزمن غير التراب,,,,,,,,,,

,,,,,,,,,,,,ومن لايتوب من الخطا تحرم عليه المعذرة


اللي من أولها خراب أكيد تاليها خراب,,,,,,,,,,
,,,,,,,,,,والبندق اللي ماتثور بهدفها تذعره



ودك ليا من جاتك الغلطة من الناس القراب,,,,,,,,,,
,,,,,,,,,,الصاحب اللي ماكسبت محبته ماتخسره



مشكلتي إني ماعرفت أحسب لصدتهم حساب,,,,,,,,,,
,,,,,,,,,,قلطتهم صدري على ذكرى قصيد وحنجرة



صوتٍ يصول منبره وخطاب مامثله خطاب,,,,,,,,,,
,,,,,,,,,,والطيبة اللي زعزعت صوت الخطيب ومنبره




مافي دمعٍ صوبوه أحبابي بوجهي وخاب,,,,,,,,,,
,,,,,,,,,,ولا زرق حزني على غالي ولا فج أنحره



كل الزهاب اللي معي ذكرى من أصحاب الزهاب,,,,,,,,,,
,,,,,,,,,,واللي بقا لي من عذاب أشرس طريقي وأخطره



لأني تجنبت الغرق, عديت من فوق السحاب,,,,,,,,,,
,,,,,,,,,,لأن أكثر أصحابي ورق ماشفت للطيب ثمره



والله ماحطيت بين الحقد والخوة حجاب,,,,,,,,,,
,,,,,,,,,,حتى غدو ربعي يحدوني على الضيق أشكره



البارحة ثارت علي أرقاب و آوتني أرقاب,,,,,,,,,,
,,,,,,,,,,البارحة وياثقل دم البارح ويامحقره



أثر المصايب ماتجيك إلا من الناس القراب,,,,,,,,,,
,,,,,,,,,,وبهالزمن حتى الخوي اللي تثق فيه إحذره



هٌب ياوجه الحسد وشلون جمعهم وغاب,,,,,,,,,,
,,,,,,,,,,كيف السنين اللي عطتني بعثرتهم بعثره



لابارك الله في رقيقٍ تزعله كلمة عتاب,,,,,,,,,,
,,,,,,,,,,ولاجمع الله الرجال اللي تفرقهم مره



الصاحب اللي مايجي من صحبته غير العذاب,,,,,,,,,,
,,,,,,,,,,نذرٍ علي إن ماهجرني ولا أنا اللي بهجره



من يفتح لفرقاي باب أفك له عشرين باب,,,,,,,,,,
,,,,,,,,,,وإذا خويي مايقدر خوتي ما أقٌدره



عودت نفسي كل ماشددت لليمه ركاب,,,,,,,,,,
,,,,,,,,,,ماصدد وجهي عن طموح إلا لياجبت خبره



إن روٌحو فأنا بريء منهم ليوم الحساب,,,,,,,,,,
وإن جرٌحو قولو لهم ماحركو فيٌ شعره



شفهم لهم حول السنة ولا خذو مني جواب,,,,,,,,,,
,,,,,,,,,,أحسن دوا للي يستفزك تحقره



ماكنت أحاتيهم صغير, عاد أحاتيهم شباب,,,,,,,,,,
,,,,,,,,,,الصاحب اللي مأذخره لليوم الأسود ما أذخره



شفني جمٌعت أوراقهم بكتاب وأغلقت الكتاب,,,,,,,,,,
,,,,,,,,,,ياوقت لم اللي تلمه وأنثر اللي تنثره



اللي يخاف من الظما يترك لنا طرد السراب,,,,,,,,,,
,,,,,,,,,,واللي ماهو بقد الظلام و وحشته لايسهره



عقب إكتئاب البارحة ماعاد أنا حمل إكتئاب,,,,,,,,,,
,,,,,,,,,,الطيب جرجرني وأنا ماني بناقص جرجره



أنا تجرعت الظما لين إحترق وجهي وذاب,,,,,,,,,,
,,,,,,,,,,أنا كسرت بخاطري قبل الصداقة تكسره


أنا خسرت اللي غيابه غير عن كل الغياب,,,,,,,,,,
,,,,,,,,,,أنا غفرت لعالم ماتستحق المغفرة



أنا أكثر إنسان تعلم من كثر ما أخطا وصاب,,,,,,,,,,
,,,,,,,,,,أنا آخر لسان يتكلم في زمان الثرثرة



أنا القصيد اللي فزع من دفتره مليون ناب,,,,,,,,,,
,,,,,,,,,,وأنا الوحيد اللي جمع مليون ناب بدفتره



جفني وجرٌحه السهر وحيلي هدته الصعاب,,,,,,,,,,
,,,,,,,,,,دمعي هدر, ضحكي ندر, عمري وضيعت أكثره



شيٌبت بعقول العرب, هيبت روسٍ ماتهاب,,,,,,,,,,
,,,,,,,,,,جمخرة ناسٍ عمرهم مايعرفون الجمهرة



ماصرت ذيب إلا لأن اللي تحدوني ذياب,,,,,,,,,,
,,,,,,,,,,ماكنت أغيب إلا لأن العفو عند المقدرة



ترا حلاتك لاحملت لصاحبك كلمة عتاب,,,,,,,,,,
,,,,,,,,,,إن مانطقت بها بوجهه, ماتذمه بظهره



بهالزمن مايملي عيون الحسود إلا التراب,,,,,,,,,,
,,,,,,,,,,ولا الحظيظ الطلقة اللي ما تصيبه تذعره



ودك اليامن جاتك الغلطة من الناس القراب,,,,,,,,
,,,,,,,,,,الصاحب اللي ماكسبت محبته ماتخسره

[мєѕђō ♥]

’,حامدزيد,’

انا والليل والعبرة وجرح وخاطر ٍمكسور
ونفس من هجير البعد والحرمان مقهورة
وقلب ظامي لشوفك ولايروى ظماه بحور
وعين تحتري لحظة غياب الطيف وحظوره
ونار تنطفي مره ومره تشتعل وتثور
واقول النار مقدورة وهي ما هيب مقدورة
حسبت الليل بغيابك يمرن الليال دهور
وكني شايل بقلبي ليال الوقت وشهوره
تصبرت وتقدرت وبنيت من الخيال قصور
إلين ان الجفا شد الركايب وانتهى دوره
تحريتك على درب القصيد من ثلاث دهور
وحشا ما مات لك غصن يشف الماي بجذوره
تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره
وانا ما كان لي رغبه أبين واكشف المستور
ولكن الجمال أكبر من الخفاق وشعوره
جمال وود وعيون ودلال وكبرياء شعور
وفتنة تخذل عيون النهار وينطفي نوره
ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور
والا يا جملة أيام الجفا والصد مشكورة
خذتني للجفا عزه واخذني للعناد غرور
واخاف اكون بعنادى حبيب ومات بغروره
وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟
وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره