•×•°¦ ديـــــوان الامـــير خــــالد الفـــيصـل ¦°•×•

[" خ ـيالـ الشوقـ "]

(مــجمــو عـــة أنـــــسان)

قالت من انت ؟ وقلت مجموعة انسان

من كـل ضـد وضـد تلقيـن فينـى

فينى نهار وليـل وافـراح واحـزان

اضحك و دمعى حايرٍ وسـط عينـى

فينى بدايـة وقـت ونهايـة أزمـان

أشتاق باكر و اعطى امسـى حنينـى

واسقى قلوب الناس عشقٍ و ظميـان

واهدى حيارى الدرب ,, واحتار وينى

و أحاوم طيور السماء حـوم نشـوان

واسيـل الوديـان دمــعٍ حزيـنـي

فى عينى اليمنى من الـورد بستـان

وفى عينى اليسرى عجـاج السنينـي

تهزمنى النجلاء .. وانا نـد فرسـان

واخفـى طعونـى والمحبـة تبينـى

ان مـا عرفتينـى فلانـى بزعـلان

حتى انا ترانـى احتـرت فينـى !!


(مـــن يــــقول الزيـــــــــن)


من يقول الزين ما يكمل حلاه

كل شيء في حبيبـي اكتمـل

الله اللـي كملـه والله عطـاه

مابقي للزين في خلـي محـل

العيون احلى من عيون المهاه

شافها قلبي وصفـق واحتفـل

نظرته من فتنته شعلـه حيـاه

والجفون من الحيا فيها كسـل

ساهم رمشه على الخد وسنـاه

كن لمعه وجنتـه ورد وطـل

والشفايا كنها جمـر الغضـاه

تحرس الريق المحلى بالعسـل

والشعر ليل تقل حمره مسـاه

اجعد حول على صدره همـل

مايج من فوق متنه ما طـواه

لون شلال مع المغـرب نـزل

انطلق جيده يمارى فـي بهـاه

فوق ميـاس تعـزل واعتـدل

بالرشاقه فيه من ظبى الفـلاه

لى مشى كنه على الريح انتقل

ريحته من كل زهـر منتقـاه

والزيـاده للخزامـى والنفـل

صافي مثل المطر فوق الصفاه

باسم مثـل البشايـر بالامـل

جامع من كـل زيـن منتهـاه

مستحيل الوصف في خلى سهل

كايد ماهو يليـن لمـن بغـاه

يرتفع عن كل سقطات الزلـل



(فـــــــــدوة عـــــــــيونك)

http://www.s7r.net/up/uploads/d2956ca9cc.jpg

[" خ ـيالـ الشوقـ "]

((تـــــــدلـــــــل ))



تدلل علينا يا شبيه الظبـي وش عـاد

تدلل ولك بامر الهوى شافـع عنـدي

ولك في خيال العاشق المهتوي ميعـاد

واجلس على غيمه وليلة قمر نجـدي

اسافر معك لبلاد وانزل معـك لبـلاد

ومن غيمه لغيمه ولا للسنـا وحـدي

رسمتك ضحوك الفجر يا فرحة الاعياد

ولمعة شعاع ينغمس في نـدى وردي

وغنيت بك صوت بقلب الهوى ميـلاد

ونغمة غلرام ذاب في لحنهـا وجـدي

اشوفك مطر هتان لا بـرق لا رعـاد

من الوسم يبعث بالصحارى زهر ودي

احبك وصل وبعاد احبك رضى وعناد

ولا يختلف وعدي ولا ينتقض عهـدي


(يغــــــــار ســـــمعـــي)


يغار سمعي و يشـره كـل وجدانـي

لا غاب صوتك نهار(ن) ما بلغ سمعي

ياللي لقيت بنواعس عينـك أوطانـي

هي ديرتي هي ملاذ القلب هي ربعي

أملي النّظر من جمالك يـوم تلقانـي

و احبس خيالك بعيني حبسي لدمعـي

لا شفتك اعيش في عيونـك ازمانـي

وآخذ من نجومها وأشعل بها شمعـي

من نورها سالـت الفرحـه بوديانـي

ومن سحرها قام يورق بالذهب زرعي

يا واحد الحسن مالك بالعـرب ثانـي

عطني شرابك وخذ قرطوع من نبعي

غريب الاطوار و الغربـات ميدانـي

هي غربة العمر وافق طبعكم طبعـي

اصبحت تغريبتي و اصبحت عنوانـي

يا واحدي بالهوا و اثنينـي و جمعـي




(مــــــــرتاح أحـــبك)



مرتـاح أحبـك ولا علّـمـت

حتى إنـت عييّـت أبيّـن لـك

البارحـه يـوم أنـا سلّـمـت

شكيـت لـو عيـنـي تـدلّـك

بـرقٍ لمـع بالعيـون وخفـت

مواجـع القلـب توصـل لـك

عساك في ناظري مـا شفـت

كيـف المعاليـق يومِـن لـك

من خوفتي لا أحتـرق جنّبـت

هربـت مـن شمسـك لظلّـك

أخشى عليك الهوى لو طحـت

مـا تلّـنـي يـمّـك يتـلّـك

أبـي قليـلـك ولا حصّـلـت

بعضـك تركنـي مـع كـلّـك

ما أدري صواب أو خطا ما قلت

إنـك حبيبـي وأنــا خـلّـك

[" خ ـيالـ الشوقـ "]

(يامــــسافر للجــــفا)



يا مسافر للجفا و الوصل يبكـي عليـك

وين عهدك بالوفا للخفـوق اللـي يبيـك

لي جناح و لك جناح و لا نطير إلا سوى

إسقني عذب القراح لي زمان أشرب هوى

ليت لي قلبٍ خلي ما عرف فرقا الوليـف

لا عليه و لا عليّ لا ربيع و لا خريـف

الهوى أمرَّه عجيب مـرّه يسابـق حـلاه

إن صفى ود الحبيب الزمان أبعـد مـداه

ويل قلبي يالغرام كل يـومٍ لـي قصيـد

إشتكى مني الكلام أجرح حروفه و أعيـد


(غــــردي بالـــحب)


غرّدي بالحـب يـا لحظـة هـواي

و إلعبي تطريب يـا نجمـة مسـاي

و احضني خفقـات قلبـي لا تطيـر

و اجمعي رقصات فرحي في خـلاي

إزدحم في صدري الشـوق العظيـم

و الهوى في قلبي أبعد مـن مـداي

فيني أكبـر مـن غـرام العاشقيـن

و الأمل يسبق من الفرحـه رجـاي

إنـتِ الدنيـا إذا جــاد الـزمـان

و إنتِ الحسـره إذا جانـي بـلاي

و إنتِ المـا فـي حياتـي و الهـوا

و إنتِ أرضي و الوطن و إنتِ سماي

و إنتِ أجمل لحـن غنّيتـه طـرب

و إنتِ الحب الـذي يمـلا فضـاي

أتظلّـل فيّـتـك فـيـظ الحـيـاة

و أتدثّـر دَفوتـك ليـلـة شـتـاي



(من يــــقول الليـــل)






من يقول الليل للعاشق ضريـر

الهوى في كل وقتٍ لـه نظـر

شوفة العاشق عن الباقين غير

له نظر بالعين و لقلبه بصـر

ساهرٍ بالليل فارقـت السريـر

و البحر رفيقي بليـل و سهـر

موجته تسري و أنا فكري يحير

ليت لي يا فيصل بسرّه خبـر

تلعب الموجه و للغبّـه هديـر

و القمر من فضّته رشّ البحـر

من غزير القاع للشّط القصيـر

قامت من النوم في لحظة عمر

كنّها عَنْدَا تثنّـى فـي حريـر

أسرعت يمّ الحبيـب المنتظـر

عشقها ترقص على نسمة عبير

ترتفع ثم تنهصر ثـم تنحـدر

ساقها شوقٍ على العاشق خطير

شوق من يهوى مواعيد الخطر

خلفها خواتها صفـوفٍ تسيـر

هايماتٍ مـا يعرفـون الحـذر

زفّها في محفل الـزّار الكبيـر

كل مسحورٍ بشيطانـه حضـر

تلتوي في ثوبٍ أبيض ثم تطير

في حضن شطٍ تحبّه .. تنتحر

[" خ ـيالـ الشوقـ "]

(نادمـــيني)



نادميني كلهـا ساعـة و أغيـب

ما بقى غير الموادع يـا حبيـب

سلّي الخفّاق عـن هـم الزمـان

و اجلي من العين نزّات السريب

طالت أيامي و أنا فـوق الشّـداد

الذلول تسير و الراكـب غريـب

درهمت بي في عجـاج القايلـه

و الثرى من حدرها جاله لهيـب

كل خفٍ يرسـم بدربـي حـذر

لاهل ركبٍ ما بعد طبّ الشعيـب

يفهم اللي يفهـم و يجهـل كثيـر

و المراجل دربها دايـم صعيـب

يا كبر غلطـات جهّـال الحيـاة

ضيّعوا بعيدهم و أخطوا القريـب

يا بعد فرق الليـال مـن النهـار

و يا بعد فرق الغرير من اللبيـب

بعضهم يـزمّ بـه كثـر الهـدوم

و إن تحدّث طاح من عين الرقيب

كل رجـلٍ يستـره قـل الكـلام

و اللسـان يجمّلـه و إلا يعيـب

نادميني .. وقتي الباقـي قصيـر

و المسي بعيونك جروحي تطيـب

فرّغي قلبي و فكري من عنـاي

يا شعاعٍ بالعمـر قبـل المغيـب

ومضةٍ في ليل في دهـرٍ ظلـوم

تبعث الآمال في وقـتٍ عجيـب

السؤال يغيب من قبـل الجـواب

نادميني .. كلها ساعة و أغيـب

(يقابلني)



يقابلنـي يهلّلـي فــي سـلامـه

و إذا أقفيـت يرميـنـي كـلامـه

أعرفه لـو تضاحـك لـي بسنّـه

ظهر للخبث فـي عينـه علامـه

يبيّـن لـي مـن الظاهـر مـوده

و في قلبه بنـى بغضـي خيامـه

يدوّر عثرتـي فـي كـل مسعـى

مناتـه لــو يقوّمـهـا قيـامـه

و قفت .. و قال ما يقدر و فاشـل

و سعيت .. و قال وش غايه مرامه

يـأوّل كـل فعـل و كـل كلمـه

يسِن بها علـى الغافـل حسامـه

خـذاك الله يـا عيـن الخطـيّـه

وراهـا مـا تشـوف إلا الملامـه

وراها ما تشوف الصبح يضحـك

و ليل الحـب يسـري بابتسامـه

(هـــون على الـــقلب)





هوّن على القلب المعنّـى خفوقـه

لا تتعب الخفّاق و النـاس ساليـن

ما أحدٍ درى بك يا مفجّر عروقـه

إنت و خلِيّ الهم حيـل متساويـن

يا صاحبي دنياك ماهـي صدوقـه

كذبة عبث بالحس و السمع و العين

أكذب من الأحـلام لمعـة بروقـه

سحابها يرعد و لا للمطـر عيـن

ما صادق إلا من طوتني حروقـه

ياليتها تكـذب جـروح المحبيـن

ليت الهوى ما صادفتنـي طروقـه

و لا عرفت الوصل أو لوعة البين

لا واهني مـن لا يميّـز فروقـه

ما يفرق الجمعه على صبح الأثنين

يدلَـه و الأيـام الهنيّـه تسـوقـه
نوم الهنا يغشـاه بيـن العشاويـن

ما ذاق تسهيـد العيـون الشفوقـه

تسهر إلين الصبح يبـدي بخطيـن

على الـذي وسّـع بقلبـي فتوقـه

خلاني آهوبـي سـواة المجانيـن

(ليـــالــي نـــجد)




ليالى نجـد مامثلـك ليالـي

غلاك اول وزاد الحب غالي

ليالي نجد للمحبوب طيبـي

امانه نـور عينـى ياليالـي

حبيبي لى ذكرت انه حبيبي

دريت انى حظيظ وزان بالي

على شانه تهاونت المصايب

اذوق المر لاجل رضاه حالي

والى من الزمان اشتد حـره

لقيت بقرب مظنوني ظلالـي

عفا الله عنه مما جانـي اول

غسل حبه جميع الهم تالـي


(طال الـــسفر)

طال السفر

والمنتظر مل صبره

والشوق يا محبوب في ناظري شاب

رد النظر

خليت بالكف جمره

سعيرها في داخل القلب شباب

عز الخبر

والمهتوي ضاق صدره

يا من يرد العلم عن هاك الأحباب

طيفه عبر

ما أرسل مع الطيف عذره

هو خاطره من لوعتي ما بعد طاب

هو ما ذكر

أن الجفا فيه كسره

للخافق اللي من هوى صاحبه ذاب

يا ما سهر

طرفي على حبس عبره

اردها والوجد للدمع جذاب

دمعٍ حدر

جاله على المنع جسره

عظيم وجدي للدمع شرع الباب

يوم وشهر

عزاه والعمر مره

والناس واجد لكن الولف غلاب

[" خ ـيالـ الشوقـ "]

( كـــل مانـــسنس)


كلما نسنس من الغربي هبوب حمل النسمة سلام

وان لمحت سهيل في عرض الجنوب .. عانق رموز الغرام

لك حبيب ما نسا .. كلمته دايم عسى

اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي

وان سهرت الليل اهوجس بك واعيد هل لاجلك مدمعي

وانت هاجس خاطري .. وانت فرحة ناظري

يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك

والسحاب يطاردك بين الشجر خالق الزين ابدعك

الندى في وجنتك .. صار عطر بلمستك

والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف

قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..

لا طيور ولا زهر .. ولا مع باقي البشر ..



(لاوالذي صورك)





لا والذي صورك ما لا ق للعيـن

غيرك ولا سوى بي أحد سواتـك

أنت الذي حطيت بالجوف رمحين

رمح العيون ورمح وَردي شفاتك

وأنت الذي زينت يا غاية الزيـن

حياتي اللي نورها مـن حياتـك

أحب فيك الحب يا جامع أثنيـن

الزين وطبوع(ن) تكمل حلاتـك

أحب فيك العطف واللطف واللين

وأحب فيك رضاك عقب زعلاتك

وأحب هاك الجيد بين الجديليـن

وأحب ما تخفيه طرقة غطاتـك

يا جارح المجروح لا تودع البين

يقضي علي بغيبتـك وسفراتـك


(حــــدنــي وقـــتي)



حدني وقتي على شي(ن) جديـدِ

السهر ما هوب من عادة عيونـي

أَبعدوني عن هوى بالي وسِيـدي

وامنعوا عنّي خطوطه ياصلونـي

شطّروني عنه في دار(ن) بعيـدِ

حسبي الله كانهم منـه اقطعونـي

صارت الفرقا لنا علم(ن) وكيـدِ

ليتهم راحوا وأنا عنـده نسونـي

عاقني عن صاحبي سور(ن) حديد

دونه البحور حراس(ن) ودونـي

الرجا بك يا بو خالد يا عضيـدي

لا تخلّينـي تـراهـم عذبـونـي




(تعبت عـــيوني)




تعبت عيونـي بـس أدور واراعـي

و أنشد عن الزينات واشتاق واشـوف

لاشك مـا قـد تـاه فكـري وضـاعِ

ألين شفتك و أصبح القلـب مشعـوف

اللي داعاني لك مـن الحـب داعـي

داعـي غـرام للمحبيـن مـعـروف

ملكتنـي يــا بوعـيـون وســاعِ

أسير حبـك بيـن أياديـك مكتـوف

ليتك تخفـف مـن عظيـم التياعـي

و تبتسم لي شفتهـا منـك معـروف

متى يصير بنـور عينـي اجتماعـي

و ألقى التّعب من سيد الأحباب مخلوف


(إستكثرك وقتي )

إستكثـرك وقتـي علَـيْ وغـدا بـك

عـادة زمانـي كلّمـا طـاب هـوّنْ

ليـت الـذي ودّاك يـا زيـن جابـك

تشوف عقبـك كيـف الايّـام سـوّنْ

شرق(ن) مشيت وغرب وقتي مشىَ بك

والقلب ما له لايـم(ن) فيـك لـوْ وَنْ

عقب الهنـا بـك ذاق لوعـة عذابـك

تـلـونّـت دنـيــاه ولا تـلــوّنْ

طويتني طـيّ الـورق فـي كتابـك

حتّـى معاليـق الحشـا لـك تطـوّنْ

إشتقـت لأيّـام الهـوَى فـي جنابـك

يوم الشّموع بليـل الاحبـاب ضـوّنْ

واشتقت أقـول لهاتفـك مرحبـا بـك

واشتقـت لغيـوم الصحـاري تكـوّنْ

عوّد ترَى داعي الهـوَى عنـد بابـك

واروي القلوب الّلي بعـد مـا تـروّنْ

غنّيت لـك عمـري ولاجـا جوابـك

واسمـي مـعَ مجنـون ليلَـى تـدوّنْ

[" خ ـيالـ الشوقـ "]

(قلبي اللي لواه )





قلبي اللي لواه مـن الصّواديـف لاوي

جرّحته الليالـي والحظـوظ الرديّـه

والله أني بوسط الناس كنّـي خَـلاوي

من يلوم المفَارِق عقب فرقـا خويّـه

أشهد أن المفَارَق من عظيم البـلاوي

مير هذا نصيبك يـا العيـون الشقيّـه

اتجَلّد واقول انّي علـى البعـد قـاوي

والله أعلم بقلب(ن) فيه الأشواق حيّـه

كيف راحت يا بوتركي حياتي شقاوي

وين درب السّعـاده والحيـاة الهنيّـه

ليت لأهل الهوى والحب قاضي دعاوي

كان أداعي عيون اللي فراقـه خطيّـه

كنّي المبلي اللـي قطّعتـه المكـاوي

كل مـا جـظّ بالونّـات زادوه كيّـه




(عزّ القصيد )




عَزّ القصيد وزاعلتنـي حروفـه

من يوم غاب الّلي قصيدي مهاويه

غابت به الدنيا وخلّـت طيوفـه

عزّي لمن مثلي زمانـه يعاديـه
عقب الملاقىٰ بس بالقلب أشوفـه

وعقب المناجىٰ بس بالفكر أناجيه

كلامي وشوفي لغيـره حسوفـه

من غيره يْخاوي غريبي وأخاويه

يا لوعة المشتاق تصفـق كفوفـه

لين التفت ما شاف بالدّار غاليـه

كنّ العيون بكل شيـن محْذوفـه

والقلب كنّ جموع الأيام ترميـه

تسابقتني مـن زمانـي سيوفـه

جرح مْرادي في حياتي وتدميـه

يا عونة الرحمن ويـن النكوفـه

لين انتحىٰ الخفّاق وش عاد يثنيه

ما رحت أدوّر عند خلّي مروفـه

ما يرحم إلاّ الله فلا شـك مغليـه


(ياصقر)



ياصقر و اهنيك لـك جنـاح تطيـر"

" لى طرى لك نزعت وطرت يم الهوا

بين قلبي وبينـك فـرق والله كبيـر "

" لى كفخت انطلقت ولى كفخت التوى

انت حايم وانا بالقاع دوبـي اسيـر "

" في صحاري زماني ذيب ليلي عوى

فوق جوك سحاب وحدر جوي هجير "

" القدم فوق رمضا والخفـوق التـوى

الحذر يا صقر لا يشبكونـك اسيـر"

" ويل صقرٍ يتله مربطـه لـى نـوى

برقعته اللّيالي فـوق وكـرٍ قصيـر "

" عقب صفقه جناحه بالهوا لى اهتوى

كل حرٍ الى ضاق انتهض للمطيـر "

" حومتـه بالسمـا ساعـة لقلبـه دوا


(غـــريب والله)


غريـب والله يـا حبيبـي هوانـا

نستعذب الأشواق ما نطفي الشوق

شوقي وشوقك هايـمٍ فـي سمانـا

في ناظري حيره وفي ناظرك موق

نطرد سرابٍ في صحاري ظمانـا

لا فيـه ميـرادٍ ولا حاصـلٍ ذوق

يـومٍ يبعّدنـا ويــومٍ دعـانـا

ويوم يلبّسنا خيال الهـوى طـوق

طيـفٍ يرغّبنـا وطيـفٍ نهانـا

فوق الثرى نمشي وحلم الهوى فوق

خيالنـا مـن كـل نبـعٍ سقانـا

وأيامنـا تسـوق عبراتنـا سـوق

ميعادنـا عنـد التمنّـي نسـانـا

وظروفنا تزرع على دربنا عـوق




(ســـريت)



سريت ليل الهوى لين انبلـج نـوره

امشي على الجدي وتسامرني القمـرا

طعس وغدير وقمر ونجوم منثـوره

انفاس نجد بها جـرح الدهـر يبـرا

يا نجد الاحباب لك حدر القمر صوره

طفلة هلال وبنت اربع عشـر بـدرا

حبيبتي نجد عينـي فيـك معـذوره

معشوقة القلب فيهـا للنظـر سحـرا

فضة شعاع القمر في نجد مسحـوره

من شاف لمع قمر في خـدة سمـرا


(ايــــوه)



ايـوه قلبـى عليـك التـاع

مايحتمـل غيبتـك ليـلـه

عسـاه عسـاه مايـرتـاع

عليـك يانـافـل ٍ جيـلـه

غنيت يابو عيـون وسـاع

من غيرك اقصد واغنى لـه

معذور لو صرت بك طمـاع

مـن حبكـم مالنـا حيلـه

القلـب مـن يمكـم نـزاع

لوحاولـو صعـب تحويلـه

مانيب من عاذلـى سمـاع

والله ماقـطـع مواصيـلـه

من لام راعى الهوى خـداع

سيـور الايـام تبـدى لـه

ماضاع عمرى معك لو ضاع

ماضـيـه والا مقابـيـلـه

سلمت لك خافـق ٍ جـزاع

عساك يازيـن تـاوي لـه


(ســـاعة الـــفرحة)



يا ساعـة الفرحـه تشوقـت للعيـد

عيد العيـون وعيـد قلـب الصبابـه

رد الجمال لشوفتي يـا اتلـع الجيـد

واسحب على حرفي لحـون الربابـه

حرفي بصوتك يا اجمل الصوت تغريد

يا رمز حبـي هـاك رمـز الكتابـه

يا صبح عمر فيـك للعمـر تجديـد

وحبـك يجـدد كـل يـوم شبـابـه

للعيـن والقمـرا وحسنـك مواعيـد

وليل الهوى شـرع للأحبـاب بابـه

ياما زعجت الصوت باسمك تراديـد

وياما نسيـم الوجـد يمـك سرابـه

ويامـا تمنيتـك علـى باقـي الغيـد

واقول مثلك يا غلا الـروح مـا بـه

ابيك تهوى مثل مـا اهـواك وتزيـد

يا من خفوق القلب حسنك غـدا بـه

يا قطرة الغيمه علـى يابـس البيـد

رد الحيـاة لخافقـي يــا ذهـابـه

[" خ ـيالـ الشوقـ "]

(ســـمرت)



سمرت بصحبة حروف القوافي

احملهـا تناهـيـت خـوافـي

اشكل بالحروف الوان صـوره

احركها من المعنـى بصافـي

اشيل الحرف من معنى لمعنى

واجاري ما زهر واظهر بخافي

والى مني عطيت الحرف ونه

بها حرفي على النجمات طافي

يقوم كـل نجـم مـن منامـه

أنا ما نيب اسامر نجم غافـي

يجيني كل نجـم منـه معنـى

ولا قد قلـت للنجمـات كافـي

تصور لي دمـوع وابتسامـه

من عيون تقصوت ما تشـافِ

ألا يا نجم يـا عالـي تبصـر

شف بعين المحبه عين وافـي

وخبرني عن علومـه وحالـه

عسى قلبه مع الأشواق دافـي

ولو ممشاي في جمـر يفيـده

مشيت بجمرها كنـه عوافـي

ولكن وش يفيده لـو ذبحنـي

ومن يوصف جماله عقب قافي


(ارفـــعي سهم المنــايا)




إرفعـي سهـم المنايـا يالعـيـون

مابقى فينـي مكـان(ن) للطعـون

كل شبر(ن) فـي حياتـي إنجـرح

و الـذي شقّـوا خفوقـي يشتكـون

يا العيـون الطاغيـه خفّـي علـي

كبرت اللّي بـاوّل ايامـي تهـون

فـي عيونـي دمعتـيـن واقـفـه

ردّت الايـام دمـعـي بالجـفـون

بالغَـت فينـي تباريـح الـهـوَى

وأستبدّت بـي المواجيـع الظنـون

خبّرينـي يـا غـرام العاشقـيـن

كيف يستهوي هل العشـق المُنُـون

إرحمي قلـب(ن) تجاريبـه قسـت

في زمان(ن) ماعرف يوم(ن) حنون

اللسان يخـون و البسمـه كُـذُوب

واصدق التعبير نظـرات العيـون




(يبكي الصوت)



يبكي الصوت و النظرات تشكي

و المعاني ولو صاحت حبيسـه

يصمت الليل و التنهيد يحكـي

و المعاليق فـي قلبـي يبيسـه

يا حبيبه سألت الليل انا عنـك

و كل نجم فقـد مثلـي أنيسـه

هل دمعي و قام الليـل يبكـي

و القمر نشّ من فرقى جليسـه

ويل من شالته موجـة بحـرك

ليتني ما نزلت الشـط أقيسـه

لو لمستي البحير بأطراف يدك

من حلالك غدا طعمه مريسـه

للهوى حس اذا لامس زهـرك

ينعش القلب اذا جاني حسيسـه


(تعـــال أسهر)


تعال أسهر معك يا اسمر عشيّه

تعال أسلي خاطرك يا عيوني

تهن وخل عينـي بـك هنيّـه

أنـا ويـاك والدنيـا تـهـون

تـرى الدنيـا لياليهـا شقيّـه

حذاري تستبـد بـك الظنـون

نويت وكـل قلـب فيـه نيـه

على اني لك وفي روحي تمون

هواك بخاطري سـوا سويـه

تركني بيـن أياديـك معنـون

[" خ ـيالـ الشوقـ "]

( لـــــــوعـــــة العـــاشـــــــق )




قالوا لي العب قلت مـا نيـب لاعـوب

إلا مـزوحٍ عنـد صافـي الجبيـنـي

الاعبه و افرح إلـى صـرت مغلـوب

و اشوف و جهه لـى غلبنـي يزينـي

و اطرب على ضحكه و هو حيل طروب

و انادمـه فـي لحظـة أحلـى سنينـي

حبيبي اللـي كـل مـا فيـه محبـوب

ترخص له الدنيـا و مـا كـان فينـي

اللي يجينـي كـل مـا غـاب لاهـوب

أونـس حـرارة لاهبـه فـي كنيـنـي

و كني على غيره من الناس مغصـوب

و كـن العمـر ياقـف بليـا ظنيـنـي

و اصير بيـن يديـن الأيـام مقضـوب

و الليل يجلـد بالسهـر مـوق عينـي

يضحك بي الشامت إذا قلت مـا أتـوب

و يحزن صديـق العمـر ممـا يجينـي

ليتـه يغطـي لوعـة العاشـق الثـوب

و إلا عيونـي مـا تبـيّـن حنيـنـي

و إن كـان تعذيـب المحبيـن مكتـوب

علـى عـذاب الحـب ربـي يعيـنـي


(وش لــــــــونك)




..إن قلت وش لونك؟ فلانيب بالحيـل

همـي كبيـر وداخـل القلـب علّـه

..عيّا يرد الصّبـح مسترسـل الليـل

وعيّا يقـوم الحـظ مـن طيحـةٍ لـه

..رجلي..وغيري راكبٍ صهوة الخيل

أشقى ..وغيـري ياخـذ الكـار كلّـه

..يابندر امزج فايـح البـنّ والهيـل

وبهّـر بهـا يـا بـوك للكيـف دلّـه

..أبا اطرد هموم تلاطم كمـا السّيـل

كـل مـا بغـى يدلـه فـوادي تتلّـه

..عجزت متوني وارتدم فوقي الشّيـل
والرّجل جاها من حصا الـدرب خلّـه

..تمشي جروح الوقت في خافقي غيل

وتلمع سيوف الضّيم في الوجـه سلّـه

..إن قمت.. طقّ الغار راسي من الميل

وإن جيت أبا اقعد... فوق جمرٍ وملّـه


( يا من سلامه )




يا من سلامه لي هلا يا حبيبي

و الله هلا بك يا محبّة عيوني

هلا هلا يا لون شمس المغيبِ

يا نسمة الليل العطوف الحنونِ

يا بدر لا هلّيت لا عاد تغيبِ

ترى سواد الليل كحّل جفوني

انا دخيل الرّمش خلّك قريـب

يا اللي بقربه كل شي يهـونِ


(اجاذبك الهوى)

اجاذبك الهوى واطرب واغني

وابادلك الغـرام بكـل فنّـي

واشاهد صنعة الله في جمالك

وحكمه الذي فيـك امتحنّـي

واشوف الودّ في عيونك ولكن

يردّ الودّ خوفٍ فيـك منّـي

ولا ادري وش يخيفك ياحبيبي

وانا بك مغرمٍ جـاك متعنّـي

ولو انك تلاحظ شفت عينـي

وهي تروي حديث الحب عنّي

تنعّم دام تـوك فـي شبابـك

ليال العمـر ماقـط امهلنّـي

تعال اسقيك من جدول غرامي

شراب فيـه للعاشـق تهنّـي

واهيم بك بسمـاوات المحبـه

الين انّك بعـد مثلـي تغنّـي


(قالوا علامك )




قالوا علامك قلت مـا بـي خـلافِ

ما بي بلا يا كود فرقـىٰ المحبيـن

الحب لـو يجحـد عليلـه يشـافِ

يدري به الّلي عارف(ن) لوعة البين

شي(ن) يشافي وشيْ بالجوف خافِ

عشر(ن) تبين وخافي(ن) منه تسعين


( يا روحي أحيا بك)



يا روحي أحيا بك و حنّا غريبيـن

ما نيب أشوفك و انت يا روح ذاتي

في داخلي و أشكي معك لوعة البين

بعيد عني وانـت نبضـة حياتـي

يا لحظتي لو الزمن بيننـا سنيـن

و يا منوتي لو ما حصـل مناتـي

صوتي تقطّع فـي فـلاة المحبيـن

و شوفي تبدّد مـع سـراب الفـلاةِ

لا واهنيّ من هم على الما مقيميـن

و أنا يبَس صوت الرّجا في لهاتـي

أهيم في صحـرا عديمـة عنـاوي

متاهة(ن) خلو الشجـر والحصـاةِ

الليل يوحش و الضحى يجرح العين

و الحزن يكتب من عذابي غناتـي

أمنّي عيوني مـن الحيـن للحيـن

عسى الفرج مع طلعة الصبح ياتي

ياطاغي الفتنه من الـراس للقيـن

ياليتي أستر لوعتـي فـي عباتـي


(ياسامرين الليل)




ياسامرين الليل في بحـر الأشـواق

يـا ليتنـي معكـم يلـوح شراعـي

بين القمر والمـوج لمعـه وبـرّاق

والنسمـه العذبـه للغاليـن داعـي

القـرب يالغاليـن للـروح تريـاق

والبعـد ذَبّـاح القلـوب الوجاعـي

لا واعنا اللي باطرف الليل مشتـاق

خلّوه ربعـه مـع سـلام الوداعـي

يسهر مع الذكرى على صفر الأوراق

في صفحة(ن) تشرب دموع اليراعي

بين الرجا والياس وقّف على سـاق

والدرب بقلـوب المواليـف ساعـي


(عيـــــــــون الهـــــــنوفه)



اخلفتنـي نظـرة عيـون الهنوفـه

خلفة الصقار لا شـاف الحبـاري

واقت النظره علـى قلبـي تشوفـه

واشعل بقلبي كما البـرّاق سـاري

صد عني طاغي النظـره مروفـه

ظالم(ن) قلبي وهـو بالظلـم داري

ياحبيبي صدتـك عنـي حسوفـه

ارسل سهـوم الذوابـح لاتـداري

ارسل رماح الهوا وارسل سيوفـه

يشتهيك القلب في كـل الطـواري

عيني لحسن الذي غيـرك عيوفـه

في عيوني غيرك من الحسن عاري




(نــــفسي عــــيوف)




نفسي عيوف يا اريش العين تجزع

ما تقبل الحقران لو مـن عشيـري

إلى متى فـي طلبتـك باتخضـع

وأسأل متى يوم الوصل بي يصيري

لو كان قلبي فـي هـواك يتقطـع

خلـه لعلـه بالقسـى يستخيـري

أنا جزمت أنساك يا زين وانـزع

اللي بقى من حبكم فـي ضميـري

مثلي عزيز النفـس عنـك يترفـع

دور هبيـل فـواد مثلـك غريـرِ





(هــــلي)



هلّـي علـى خدانهـا ياسحابـه

هلّي عليها لين ينبت بها الـورد

على محلّه لين يخضـر جنابـه

وافرح بشوفه فرحة مالهـا حـد

خل سقاني في الهوى من شرابه

ماصد لي جاني والى جيت ماصد

عـزاه ياقلـب تزايـد عـذابـه

على الذي حبّـه بقلبـي تجـدد

اللي رماني باربع مـن حرابـه

ثنتين من عينه وثنتيـن بالخـد

ياعمري اللـي راح لا واسفابـه

وين الرفيق اللي عليه ابدي السد

[" خ ـيالـ الشوقـ "]

(يــاعـــــــــل قـــلــب )



يا عل قلب ما شكا الحـب والتـاع

تنهار من فوقـه محانـي ضلوعـه

يا ما نهيت القلب لا شك ما طـاع

ما طاع يـد لـه والليالـي تلوعـه

أثر المولّع دمعتـه تجـرح القـاع

وإلى ذكر ما فـات هلّـت دموعـه

يفـز قلبـي تالـي الليـل مرتـاع

أخاف تبعد عن ربوعـي ربوعـه

الموت كان العرف عقب البطا ضاع

والمنتحى يا سعود صعبٍ رجوعـه

في غير شوف العين ما نيب طمّاع

حقّه علي أمشي بـدرب المطوعـه

أبو عيونٍ رمشهـا سـود ووسـاع

في ذبحها العاشق فتـون وبتوعـه


(غربة الاشواق )




في غربتي ، عارضت أنا ركب الأغراب

أشـد .. وأنـزل .. والليالـي ركايـب

أضداد .. وأقران وعدوان .. وأصحـاب

متناقضات الخلـق .. ماغـاب غايـب
وقامت تجاذَبني على درب .. الأسبـاب

نفس الشباب .. يحدهـا عقـل شايـب

أصبح على فجرٍ ضحوك(ن) .. وعجاب

وأمسي على همسات ، ستـر العجايـب

أسهر مـعَ تهويـم نجمـات الأحبـاب

حتـى يصيـر النجـم بالصبـح ذايـب

مشيت في رمضا .. وسنّـدت بهضـاب

وعارضني سيول(ن) ، وهبّـت هبايـب

وأمسيت في صحرا .. و قيّلت في غاب

ومن طاول الغربات ، شـاف الغرايـب

مرتني الدمعـه ، بهـا الوجـد مـاذاب

في غربة الأشـواق ، راحـت ذهايـب

ومرتني البسمه ، تقـل فوقهـا حجـاب

وراك خـجـلا يـارسـول الحبـايـب

والحب.. مريته غريب(ن) علـى بـاب

عقب القصور .. أمست بيوتـه خرايـب

بغيت أسلي خاطـره .. عقـب ماشـاب

لقـيـت مـالـه بالتسـلـي طـلايـب

أقفى مع المقفين .. وجـل(ن) ومرتـاب

على عقوق الوقـت ، بالحيـل عايـب

في غربتي .. مريـت رجلـي وركّـاب

أرزاق .. من رب الخلايـق ، وهايـب


(تــــوك تـــجي)

توك تجي وش عندنا لك ترتجي

لانا أنا ولا الزمان هو الزمان

ولا المكان هو المكان

ولا القلوب ذيك القلوب

اللي توقد لك شبوب

تقدرتعود ترجع تولّع أو تذوب

توك تجي

فوق الغيوم غابت نجوم

تركت على عمري رسوم

تحكي لطلاب الهوى

قــصــة نوى

قصة كتبناها سوا

انت بجفا وأنا بعذاب

توك تجي

توك تجي .. لا لا تجي

خلك كذا

خلك شذا من غير زهور

موجه على ظلمة بحور

خلك على مر الزمن لحن وشجن

عشته معاك ساعة هواك

أحسن تروح عني بعيد

أخاف تجيني واجرحك

لا...لا تجي

(ظلمتـــني)




ظلمتنـي والله قـوي يجـازيـك

باللي بلاني خالق النـاس يبـلاك

شابهت عدواني وانا طامع(ن)فيك

اقرب قريب(ن) لي هقيت انه اياك

اللي جرالي منك ماهـوب خافيـك

روحي على حد الخطر من سواياك

والله ماغيـرك بقلبـي يـوازيـك

اغلى من الدنيا على الخد ماطـاك

أشفق على اللايم إلى جاب طاريك

ودي يطول الشرح في حال طرياك

الشاهد الله من كثر مانـي أغليـك

في سبّتك لو راحت الروح تفـداك


(أعــــذرني)


أعذرني يا سيدي الزّمان

فيني على الدنيا عتـب

الرجل حيّرهـا المكـان

و العين حيّرها العجـب

تغيّـرت كـل الامـور

و احترت في مفهومهـا

النايمـه قامـت تثـور

و الصّاحيه جـا نومهـا

النجـم ماهـو نجمـنـا

و الليـل ماهـو ليلنـا

و الصّوت ماهو صوتنا

و العشق ماهو عشقنـا

تمطر ولا يظهر نبـات

و نبات ما جا له مزون

وعيون ما فيهـا حيـاة

و حياة مافيهـا عيـون

اسافر بفكـري و أتـوه

و اناظر بعينـي قريـب

في عالمي زحمة وجـوه

وانا مع الزحمه غريـب

صقّار ماعنـدي صقـر

خيّال ماعنـدي فـرس

بيني و فرحات الدّهـر

من لعبة ايّامي حـرس

قصيدتـي لعبـة عمـر

و خيالتي صهوة سحاب

غنّيت في شمس و قمـر

حضرت في لحظة غياب

طالت مسافات الزمـان

وشلون ابقطعهـا مشـي

فـراغ مليـان المكـان

و خيالنا اصبح غشـي



(لاتلتـــفت)

لا تلتفـت يـمّ خلـق الله

ما احدٍ من الناس يشبه لك

الله عطاك الحلـى كلّـه

وتّقاسموا باقيـة فضلـك

أنت القمر بيـن الأهلّـه

نورك وجذّابـك وشكلـك

القلب برضـاي محتلّـه

لوتظلمه قلت من عدلـك




(قريت خطـك )




قريت خطّك بـالوفا عشر مـرّات

في كل مرّه تنثـر العيـن ماهـا

ذكرتني هـاك الليـال الجميـلات

لو كان قلبي ذاكر(ن) مـا نساهـا

من عقبكم ما عاد للعيـش لـذّات

ما التذّ في دنيـا مخالـف هواهـا

اليوم انا مثلـك جـداي التنهـات

عيني تهل دموعهـا مـن عناهـا

هايم بعيد الدّار سهران مـا بـات

أتبع هواجيس(ن) بعيد(ن) مداهـا

نار(ن) تلهّب بين الاضلاع زافات

نار(ن) لجت بالخوف العالي سناها

(الحزن في صوتك )





[COLOR="black"]الحزن في صوتك ازعج ساكني

لين صار الكون من حولي حزين

غصب عني حزن صوتك هاجني

لين خلّى عاصي المعنـى يليـن

وامتثل حرف القصيـد وعادنـي

وانسكب شعرك على حزني حنين

شلت انا صوتك وحزنك شالنـي

اكتم الصرخه وينسـاب الأنيـن

شفت حزنك كيف حزنك شافنـي

كيف داهم خلوتي فـي لحظتيـن

طير انا مثلك زمانـي ضامنـي

جرحتني مثلك سيـوف السنيـن

صابك اللي من زماني صابنـي

في معاليق الحشا جرحـه دفيـن

كلّمـا ودعـت هـم زارنــي

من عذاب الوجد بيـاح الكنيـن

الفرح عقـب الصداقـه هابنـي

خافت البسمه على وجهي تبيـن

طير ياللي صوت حزنك صابني

الله اللـي ينتصـر للصابريـن




(حــــدر القـــمر)




حدر القمـر صـوّت لخلّـه ونـاداه

ثــلاث مــرات وبالرابـعـه ون

حدر القمر ياما همـس لـه وناجـاه

وعيونهـم يامـا بـنـوره تـلاقـن

والبارحة عدا علـى الذيـب بعـواه

وقفـت ظنونـه بالليـال يتـعـادن

مـر(ن) حوالينـه ومـر(ن) تعـداه

ومر(ن) تضاحك له ومر(ن) تباكـن

هاذي سواة اللي عـن النـوم قـزاه

طيف حبيب اللي على خاطرة عـن

إن شافـت عيونـه جمـال تمـنّـاه

ون وصوّت لقمري لصوت الهوى حن

الجارحه تجـرح وتسـري وتنسـاه

وجروح مجـروح الليالـي تساقـن

والخافيـه طعنـة زمانـه تمثـنـاه

والبيّنـه عنهـا عيـونـه يبـوحـن

[Łβά yόųя нẻαяτ]

وااااااااااااااااو

حركآآآت خيال الشوق..//

مرررهـ حلووهـ تسلمين حبيبتي ^_^

ننتظر جديدكـ..//

صلآلآم

[" خ ـيالـ الشوقـ "]

(من بــــلاه الله)


من بـلاه الله تصبـر واحتسـب

عادة المسلم على الشدة صبـور

اتلمس للخـوي عـذر وسبـب

لي لحقني من بعض ربعي قصور

واتحمـل زلـة كحيـل العـرب

واتحاشا عضة الكلـب العقـور

اعشق الغالي ولاهـوب الذهـب

وانزل العالي و لاهيب القصـور

في هجير العمر خاويت التعـب

فوق رمل البيد او موج البحـور

كل حي في حياتـه لـه طلـب

ذا تهيالـه وهـذا فـي دبــور

لا تعجب ما على الدنيـا عجـب

حكمة الرحمـن خلاهـا تـدور



(ماعـــاد لـــي)





ماعاد لي بمطارد الصيد حاجـه

إلاغزالن صادني قبـل اصيـده

ريمن لبس في عالم الزين تاجه

عزاه داري عن ديـاره بعيـده

خشفن طعن قلبي وعنده علاجه

ماله سلاحن غير عينه وجيـده

إلى اظلمت دنياي ولع سراجـه

يمشي على دربه فوادن يريـده

ياعاذلين القلب هـذي سذاجـه

خلوني آحبـه واحبـه وازيـده

القلب قلبي والمخالـج خلاجـه

وكثر الحكي يااهل الحكي مايفيده



(احلى عذاب)



احلى عذاب اللي رضّى لي حبيبي

يجوز لي لا صار لعيون الاحباب

تستاهل عيـونٍ سهمهـا عطيـب

لا سلهمت بالرمش و الرمش جذّاب

من شافها يشـوف شـيٍ غريـب

فيها حنان و ظلم و دموع و حراب

وفيها كلام و سر و امـرٍ عجيـب

لا جيت اعاتبها تراجعـت بعتـاب

لا شفتهـا دنيـاي عنـي تغيـب

يلفني موج الهوى بيـن الاهـداب

إن كان ذبحي من عيونك نصيبـي

اموت لعيونك ولا أحسب حسـاب




(ياللي تعرفون الهوى)



ياللي تعرفون الهوى لا تلومـون

يلومني من لا درى ويش حالـي

الحب يودع عاقل الناس مجنون

يودع كبير السن مثـل العيـال

واهل الكرم والجود لاجله يذلون

يشحذ عزيز النفس فيه الوصال

ان ساعد العشاق حظِ يسجّـون

اسعد ليالي العمر هاك الليالـي

وان عاكست سود الليالي يموتون

الحب غربال مـن اول وتالـي


(زانــــت بحــــبك)


زانت بحبّك يـا حياتـي حياتـي

من عقبكم صفـوي تكـدّر عليّـه

يا دعوتي بـاوّل و تالي صلاتـي

و يا نيّتـي مـا دام للحـب نيّـه

يا حلم صحواتي و غفـوة مباتـي

و يا رغبتي من بين كـل البريّـه

احاول اجمع في غيابـك شتاتـي

بعضي معك عيّـا يفـارق خويّـه

أرواحنـا بـالحـب متعانـقـاتِ

و قلوبنا بـالشّوق و الوجـد حيّـه

وش لون تقوَى سيف زينك عصاتي

يـا بـو عيـون ٍ كلّهـا جاذبيّـه

خذ من حبيبك كل عمري و هـاتِ

بلسم جروحي يـا حبيبـي عطيّـه


(لك حـــق تزعـــل)




لك حق تزعل ثم لك حق نرضيـك

ما اقوى زعل حبيب قلبي وعينـي

ما دام قلبي يا اريش العين مغليـك

اطلب ولك روحي وما في يدينـي

لا تنشغل مالك وزيـنٍ يضاهيـك

ابيك أنا لو كـان غيـرك يبينـي

يوم الله احسن صورتك خصني فيك

فيك الجمال وصـادق الـود فينـي

شعري يزين بوصف زينك وطاريك

والأرض من ممشاك فيهـا تزينـي

اول غناتي صوت الأشواق يدعيـك

واخر غناتي شق صدري حنينـي


(تســـتاهل الحــب نجــديه)





تستاهل الحب نجديّـه

رفيعة الشأن عجّابـه

العين يا عين بحريّـه

لقلوب الاحباب نهّايـه

والجيد يا جيد ريميّـه

تجفل من الزّول لعّابه

والرّيح يا ريح وسميّه

نبت الخزامي تثنَّى به

صفيت مع صافي النية

يوم الذي صابني صابه

معاد لي روحة أوجيه

وقف هوانا على بابـه


(ليــتك مـــعي)





ليتك معي ساهر(ن) ليـل الهـوى كلّـه

مانوم انا وانت لجـل الحـب سهرانـي

ترى السهر مـع حبيبـك يبـري العلّـه

لا صرت شفق(ن) وهو عليـك شفقانـي

كلش طراتـه الـى وافـق علـى حلّـه

والا ترى كـل شـئ يالغضـي فانـي

لا عاش خل(ن) تنكر في الهـوى خلّـه

يوم(ن) حبيب(ن) ويوم(ن) يصير قوماني

وش فيـك دايـم تعسـر القلـب واتّلّـه

اخاف يوم(ن) يجـي مـا عـاد تلقانـي


(حـــول سحــابي)





حوّل سحابي واحسب أنّـي وصلْتَـه

وهبْـت هبايبهـا وشالـت سحابـي

حلمٍ علَـى غفـوة زمانـي حلمْتَـه

ليت الزّمان الّلي غفا ما صحى بـي

في غمضةٍ من ليل.... عمري سرقْتَه

لاشك حظّي من عذابي وشَـى بـي

الّليل يوم أنّه صَحى بي... جرحْتَـه
والعمْر في مجروح ليلي سرَى بـي

من وقتيَ المجروح لجـروح وقْتَـه

يمشي وحظّي بالعَثايـر مشَـى بـي

لوْ أنّ قيـدي فـي يدينـي كسرتَـه

ميرْ البلى قيد الغـرام ألتـوَى بـي

الله من صوتٍ علَى الشّـوق جبتَـه

والله من كلمـة غلـى فـي كتابـي

أطوّح المسحـوب مـعْ كـل نْهتَـه

واسمع علَى همس الّليالـي جوابـي

يا معشر العشّـاق قلبـي عصرْتَـه

قطـرات خفّـاقٍ مـن الوجـد ذابِ

علَـى عشيـرٍ بالوفـا قـد وعدْتَـه

لو شبت ( أحبّه )... مثل فتنةْ شبابي


(يا ولد عوّد )





يا ولد عوّد لا هاليك ما تقـوّى

لوعة الفرقا سطت فيك مسطاها

لا تهقوى ما بالابعـاد سلـوى

المحبه ما سلم من شرب ماها

من بلي مثلك فلا يبري البلوى

كود شوفة من بالأوطان خلاها

الذي بك يا ولد بالـذي تهـوى

ياولد عوّد ترى شفاك بشفاهـا

[" خ ـيالـ الشوقـ "]

(ســــــــــافر)




سافر عسى ربي يحرسك وياقـاك

هذا البخت عزّاه وش فـي يدينـي

يا شين باكـر يـا حبيبـي بليّـاك

لا جاء وعدك اللي بوقتـه تجينـي

لي قمت أدوج في مداهيل ما طـاك

يا ما جرى بشهار بينـك وبينـي

هذا وهو تـوّك تطـري بممشـاك

وشلون لي قفيت يـا نـور عينـي

يا شيب عينك يا هوى البال واشقاك

كانك مثل ما أبيك يااسمـر تبينـي





(بنـــت الكـــحيله)






بنت الكحيلـه مهرتـي

وخيالتي من كل اصيل

ألقـى عليهـا طربتـي

بين المعنـق والشليـل

صدر وقطـاة فلوتـي

العنق والساق الطويـل

وقع الحوافـر نغمتـي

وحداتنا رجع الصهيـل

أبوي وجـدي قدوتـي

لو ما لهم عندي مثيـل

بالدين تفخـر عزوتـي

والرمح والسيف الصقيل

ماكر حـرار ديرتـي

ما في هل العوجا ذليل


(نجمة حياتي )





ميّلـت نجمـة حياتـي للمغيـب

ودّعتني راعهـا فجـر المشيـب

ليلة(ن) في برد في صحراء زمان

عشتها في غربة الدنيـا غريـب

عشتها جاهـل وعاشتنـي حكيـم

الخطا واجـد و مـرات تصيـب

بينـت فينـي تجاريـب الحيـاه

كل سيل حط فـي دربـه شعيـب

الصخـر تشقـه سيـوف الدهـر

كيف تسلم خفقة القلـب العطيـب

و الرياح تشيـل كثبـان الرمـل

كيف زهر العشب يبقى ما يغيـب

أجمع حروفي وأشكـل صورتـي

و الغريب اجمع شتاته بالعجيـب

مـرة ترقـص حـروفـي للهوى

ومرة اسمع مـن حرفـي نحيـب

هاضني صوت الضمير الى اشتكى

اختنق مالـه سميـع ولا مجيـب

وهاضني شكوى القلوب من العقل

ضامها كنه علـى الدنيـا رقيـب

كلما صاح الضميـر و ون قلـب

سالت حروفي على دمعة حبيـب


(وداع يانــــفس)




وداع يـا نفـس قدرهـا دعـاهـا

تنازعت والموت ما عنـه مـردود

تشبّثت بحبال زخـرف(ن) حياهـا

تبى نهار(ن) زود واليـوم موعـود

تسلّلت مثـل الهـوا مـن خفاهـا

عجزَت تقضّب في ذرى يابس العود

تبخّرت روحي من حيـاض ماهـا

يتلّهـا نــزّاع الأرواح بـركـود

بالهون يا نـزّاع روحـي تراهـا

باقي عذاب أيام بيض(ن) على سود





(غـــربة الــــروح)




قامت تعاظم غربة الروح يـا سعـود

يالله دخيلـك و استـجـدّت جـدايـد

تغرّبت وسـط الجسـد روح مجحـود

في دارهـا وشلـون راحـت بدايـد

والشوف ذاب و خالطت بيضها سـود

و الزّود نقص وناقـص العلـم زايـد

من اول(ن) و الطيب للناس مقصـود

و اليـوم صـارت طيّباتـه شـرايـد

للوقـت تالـي مثـل باديـه مشهـود

فيه الجهل عوّد علـى النـاس سايـد

يا عازف(ن) عمري على نغمة العـود

هـذي حياتـي غنهـا لـي قصايـد

مر(ن) على الهيّن و مر(ن) على الكود

وعمر الفتى لحظـات هيّـن و كايـد

واسمع من الخفّـاق رجـع و مـردود

قلب(ن) مع الونـات قـد لـه عوايـد




(لـــونـــسيت)




لو نسيت العمر ما انسى دمعتـك

صرخة(ن) ذابت من عيونك دموع

ترتعش مرتاعة(ن) فـي وجنتـك

وانتفض قلبي لها بيـن الضلـوع

أزعَجت صمت الليالـي عبرتـك

بالخفا ثوره وبالظاهـر خشـوع

تسكب الدمعه وتظمـى نظرتـك

مشهد النظرة وهي تظمى يـروع

يا ضياع العمر ضيعـة بسمتـك

ضاع معها خافق(ن) مثلك جزوع

ليت من يمتص جـارح لحظتـك

والفرح يشعل دياجيـرك شمـوع


(ســـاعات الـــعصر)





ليت عقل العود في سن الشبـاب

وحكمة الستيـن فـي عشرينهـا

كان ما جرَ القـدم درب العـذاب

وانتهزت ظروفهـا فـي حينهـا

وكان ما ضاعت دقايقهـا هبـاب

وكـل لحظـه أستغـل سنينهـا

كم تركت من الفرص واقفلت باب

بعتها واهـل الفـرص شارينهـا

وان نصحني ناصح أحسب حساب

قلـت يمـدي .. توَنـا بادينهـا

العمر بـاوَل زمامـه لا تهـاب

والَليـلْ طـوال يـا سارينـهـا

ما هقيت إن الزمن مثل السـراب

والَليـالـي خيَـبـت راجينـهـا

أثر ساعات العمر مثل السحـاب

بالظلام تمـر مـا نـدري بهـا

ويل من همَاته صعود الهضـاب

ترجمـه ريحانـهـا بايدينـهـا

وحظ من همَاته يحـوش التـراب

يبشر بكثر الذهـب فـي طينهـا

وكل قصر له أساس وسقف وباب

يحكمـون اركانـهـا بانينـهـا

والصيانة للقصـر وإلا الخـراب

أفطنـوا للـدار يـا حامينـهـا

[" خ ـيالـ الشوقـ "]

(عــــــــابــــــــر الخـــــــــاطـــــــــر)




ياعابر الخاطـر تصـوّرت معنـاك

لا شـك ماكـل الخواطـر تـقـالِ

خذ صورتك لَى جيت ساري بمسراك

مالك بها مصلـوح تبقـى ولا لـي

تلقى من الشعّـار الاقصيـن ذولاك

من ياخذ المعنى علـى كـل حـال

وأنا اتخيّـر مـن معقّـل مطايـاك

مركوبـة الفكـره وافـكّ العـقـال

إمّا سريت الليل مع نجـم الافـلاك

والاّ مـع شمسـي تبعنـي ظلالـي

أوزن كلامي قبل يكتـب بالابـواك

واقلّب المعنى علـى ماطـرى لـي

الورد طيبي واتسـوّك مـن الـرّاك

والثوب ضافي والقصر راس عالـي



(أحـــب الليـــل)





أحب الليل و نجـوم الليالـي

حبيباتي أساهرهـن لحالـي

لقيت بصحبة النجمات سلوى

عقب ما فارق الخفّاق غالـي

ألا يا ساريات الليل سيـري

على واديه مع مسرى خيالـي

تجلّي في سما خـلّ المـودّه

و قولي للحبيب وش جرالـي

هنيك يـا نجـوم تناظرينـه

و انا مالي على النظره مجال ِ

و لكني ولو شابـت عيونـي

أحب الليل و نجـوم الليالـي

صبرت و كل حي لو تصبّـر

إلى مالت ليالي العمـر مـالِ


( يا وش بقى )
يا وش بقى باعطيك منـي ولا جـاك
ماباقي الا روحـي أحيـا بهـا لـك

أوصف جمالك كل ما انشدت و اهواك
و ازيـن أيامـي بجلسـة خيـالـك

يا الغايب الحاضر بقلبي و لا القـاك
أقرب من عروقي و صعـب منالـك

شالك زماني عـن عيونـي و وداك
لا شك وثق فـي ضلوعـي حبالـك

يا حاجب شمسي ورا ليـل جفـواك
ما بالعهد بـك قاسـي فـي دلالـك

وش غيرك يا منوة القلب و اطغـاك
علـى حبيـب مـا تخيـر بـدالـك

دنياي ما تصلح بـلا شمـس دنيـاك
و الليل يوحـش لـو تغيـر هلالـك

ما ينقطع ظما الهوى إلا علـى مـاك
ولا يـهـون حــره إلا ظـلالـك

ولا تشـوف العيـن زيـن بلـيـاك
ولا يطـرب سمـعـي إلا مجـالـك

ولا انتفض قلبي من الحـب لـولاك
ولولاك ما يبـدي علـي مـا بدالـك

[" خ ـيالـ الشوقـ "]

(صاحـــب الـــحاجه)




صاحب الحاجه ولو طالت لحوح
وصاحب الحلم القديـم يغازلـه
واعذاب القلب من كثر الجروح
كـم سيـف بالعـذاب ينازلـه
أخفي الطّعنات وعيوني تبـوح
كـن الاوجـاع بهدبهـا نازلـه
غايتي بليـل ظلامـه مايـروح
بينـي الايّـام وبينـه عازلـه
كل ما مشيت له عنّـي يـروح
وعيّت الخطوه تجـي منازلـه
والهوى بالقلب وهّـاج يضـوح
لـو يسوقـه للمنايـا جـازلـه
كل ياس يطرده فينـي طمـوح
وكل عـزمٍ خافقـي ينحازلـه







(أحـــذر عـــدوك)


..كلٍ يعوّد لاصـل جـدّه ومربـاه
راعي الشرف يشرف والانذال يهبون
..الفْرع من عوده شرابـه ومسقـاه
والحنظلة مرّه ولو تشـرب مـزون
..الطّيـب كايـد والمناعيـر تقـواه
والهون هيّن تدنـع النفـس وتهـون
..ناسٍ على كسب المراجل مضـرّاه
وناسٍ على كسب الفشيلة يضـرّون
..هذا على وضح النقا كـل ممشـاه
وهذا الى شافـوه ربعـه يصـدون
..لا تامن الخوّان لو زخرف حكـاه
من خان بك مرّه يبي باكـر يخـون
..وافطن ترى زول الرّجاجيل تـوّاه
كم واحدٍ يعجبك زولـه وهـو دون
..يا طيّب الشارات من يوم منشـاه
احذر عدوّك لايغدرك علـى هـون
..ترى عدوك غايتـه فيـك ومنـاه
يزرع بصدرك من قنا رمحه طعون
..والّلي رضع لبـوة عـدوّك توقّـاه
الجرو ولـد اللبـوة الّلـي تعرفـون
..للطّير يالصقّـار بالرّيـش مغـواه
الجاهل الّلي باكثر الريـش مفتـون
..للحُر والشبـوط ماكـر ومجنـاه
والفرق بالافعال لـو هُـم يطيـرون





(هلّــــــ وطلّــــــــــــه)



...خلّها يا باعث الفرحـات فلّـة
مابقى بالعمر كثر الّلي مضى لـي
...عطني من الحب سقوه ثم علّـه
تزهـر الأيـام وتشـع الليـالـي
...من بغى دربٍ سأل عنه ودلّـه
ما يرد المهتـوي صعـبٍ وغـالِ
...اطلق الخفّاق مـن قيـدٍ يتلّـه
كسّر الجنحـان مقصـور الحبـالِ
...تبري الّلي صار به تسعين علّه
من نظر حالي نشدني كيف حالي؟!
...مابقى لي حال نشّ الحال كلّـه
الله يعديك ظلم الّلـي جـرى لـي
...كل شهر للقمـر هلّـه وطلّـه
وانت لك عامٍ وبدرك ما بدا لـي!!


(أفــــكاري)




..ركضت الحق الهارب ومتمرّد افكـاري
ابا اروّض الفكره على حالـي الجـاري
..ابا اقضب عنان الطامح الجامح العاصي
ابا المس حنان الساهم الحالـم السـاري
..ابا اجمع شتاتي عقب رحلات غرباتـي
واناغم هواجيسي علـى باكـي اوتـاري
..تعبت –وجرحني يا اهل المعرفة- دربي
وطالت مسافاتي وانـا اطـارد افكـاري
..وراها توارى من ورا حاضـر ايامـي
وراها تسافر مـن ورا قـدرة اسفـاري
..وراها تواري عجزي تشوفـه عيونـي
وراهـا تطيـر وكلـي قيـود واعـذارِ
..حبسني رماني بالثرى والسمـا حلمـي
اغازل سحاباتي وانا اكتب لها اشعـاري
..اروّح لها صوتي مـع رايـح النسمـه
واقول امطري ياغيمتي جفـت انهـاري
..ويمسي علي الليل خالـي وانـا خالـي
لا باح لي سـرّه ولا بحـت باسـراري
..نجوم السما تقدح وليلـي بهـا ساكـن
عجيب السكون بليل فيـه الفلـك جـاري
..ويافكري الهـارب ويانـوري الغـارب
بدونك فراشاتـي تهـاوت علـى نـاري
..وانا لو عذرت الغير مااعـذر افكـاري
انا موطـن افكـاري ودار الفكـر داري


(أبي منه الخبر )




أبي منه الخبر و يقـول للّـه
لفى المرسول ما عيَّن محلَّـه
و قلبي تايهٍ مـن عـام الاوّل
ألا يا الله يسّـر مـن يدلّـه
خذاه اللّي على خـدَّه علامـه
سوادة غيم في شمسٍ مطلّـه
سرقني ما دريت انّه سرقنـي
سلبني و أحسب إني فاطنٍ له
انا يوم أرسل عيونـه لقلبـي
عطيته مهجتي و المعطي الله
نصف زين الخلايق في عيونه
و باقي الزين في باقيـه كلّـه

[" خ ـيالـ الشوقـ "]

معقوله الى الآن ومافيه ولا رد

[" خ ـيالـ الشوقـ "]

معقوله الى الآن ومافيه ولا رد

[~رجة وكلي حلا ورزة~]

:: روعـــــــــــــــــــــــــــــــــــــــــــــه ::
.. سلمت يمناك ع مجهودك الرائع ..
,, لا حرمناك ,,
_________________________________

[" خ ـيالـ الشوقـ "]

مــشــكــوـوـوـوـوره ع الــمــروـوـوـوـور

[أنثـى حآلـمـﮧ ..♥]

مشكووووره حبيبتي

[" خ ـيالـ الشوقـ "]

http://www.uae-up.com/up2/uploads/a22317a7cb.gif